Jeremias 34:20 - Biblia Dc en Mixe de Quetzaltepec

²⁰ Paatyës të ntuknipëjktaakë ets jam kya'atëty ma myëtsipëtyën kutsë'ëkëpë ets nyini'kxëty nëjkx tsyu'tsxëtë lut majkwejkxy ets kaa jëyujk,

Biblia Mixe de Quetzaltepec

²⁰ Paatyës të ntuknipëjktaakë ets jam kya'atëty ma myëtsipëtyën kutsë'ëkëpë ets nyini'kxëty nëjkx tsyu'tsxëtë lut majkwejkxy ets kaa jëyujk,

Jeremias 34:20 ပူးပေါင်းရင်းမြစ်များ

1 Reyes 14:11

Ja mëku'uktëjk mëti'ipë ënety kajpntum o'ktëpën uk nëjkx tsyu'tsëtë, e ja mëti'ipë muum tunkëjxm o'ktëpën, lut majkwejkxy nëjkx tsyu'tsëtë, jä'ä ko ëjts, mëti'ipë Wintsën'ajtpën jëtu'unës të ntuknipëjktaakë.

1 Reyes 16:4

Ko y'ookëty yë mjëëky mëku'uk kajpnjoty, uk nëjkx tsyu'utsyë; e mëti'ipë o'kpën kamjotm lut majkwejkxy nëjkx yajkëxyë.

Salmos 79:2

Tëë tyaj'ook tyajtëkoytyë yë mtuunpëtëjk mëti'ipë oy të mmëtunëtën, ets tsyu'utsëtëty wyëtsëtëty yë majkwejkxy ets jëyujk mëti'ipë ëwa'anëtyën.

Jeremias 11:21

Ets ja Anatot ja'ayëty, mëti'ipë ënety myääytyëp tyajtëpën xyaj'ooka'antës ets mëti'ipë ënantën ets ka'ap ja Wintsën ja xyëëw nikajpx nimëtyakëtyës këtiipës xyaj'ooktëty,

Jeremias 12:9

Jëtu'unës yë nnaax nkajpn tä tu'uk yë joonën mëti'ipë janty'oy yë jyëmkën, mëti'ipë tukmëtsip'ajtëpën ja myëku'uk ko y'oyëty ja jyëmk. Miinta'atë nitëkokyë aayjëyujk ujts jëyujkëty mëti'ipë ëwa'anëtyën ets mtu'ukmuktëty ets mjë'kxtëty mpëktëty.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënety juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 22:25

ets nkë'ëyaka'any ma mmëtsipën mëti'ipë ooky m'ixanëpën ets mëti'ipë ëxëëkëm xytsyë'ëkën. Yë'ë ntukë'ëtëkëjäämpy yë Nabucodonosor, mëti'ipë jam ënä'ämp yajkutujkpën Babilonyë, ma Caldeo ja'ayëtyën.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Jeremias 4:30

E mijts naax kajpn, xit ko'owpë myajpaatyën, ¿tii nyawa'anëty oy uky tsyapts mjanäxyoxyë? ¿Tii nyawa'anëty oy jam ma mwiin mjëjpën xyjyapëjktä'äky pu'ts pujxn? ¿Tii nyawa'anëty oy mwiin yëk xyjyakoy? Nëkoopë janty'oy mnäkyoyë, ja mëti'ipë määpy mtäjpyën mtsojkëp mja'awëyëp, ka'ap m'ëk tsojkënë, mijts o'kën yi'iyë mjëjp'ijxnëp.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënety ëxëëk tsë'ëkën.

Jeremias 49:37

N'ëtsë'ëkëjäämpyës yë Elám ma myëtsiptëjkën kutsë'ëkëpë, ntuknikäxäämpyës yë ëyo'on jotmay, ntukjoot'anpëkäämpyës, ntukpaatäämpyës yë jëën tsip koonëm kyutëkoytyëty. Ëjts Wintsën, ëjts ënaanp.

Jeremias 7:33

Yë may o'kpë yë'ë nëjkx tsyu'tsta'ajëtë lut majkwejkxy, kaa, ka'ap pën y'ita'any pën tääpë jëyujk y'ëtsë'ëkëpën.

Ezequiel 23:28

Jëtu'unës n'ëna'any, ëjts Wintsën: Ëjts tëëjës ntuknipëjktaakë ets nëjkx ëxëëk mjaty mkëpety wiink naax wiink kajpn mëti'ipë m'ëxëëk'ijxypyën ets mxëëk'ajtypyën.

Ezequiel 29:5

Tääts jam nasjëpipëja'any të'ëts'itjotm, mëët tu'kë'ëyë ja nëë jëyujk mëti'ipë jap mnëëjoty yajpatpën; wintë'ës'ituuy nëjkx mkëtä'äky ets ka'ap nëjkx pën myajnaaxtëkëty. Yë'ë nëjkx mtsu'utyë mwëtsyë yë aayjëyujk ujtsjëyujk ëwa'anëtypë ets nëjkx yë lut majkwejkxy mnukyë mpotyë.

Ezequiel 32:4

Jëtu'unyë nwinpajëtuta'any naaxkëjxy ets mwijts'awëty. Joon jëyujk mëti'ipë tsajpjotm kääkëtijtpën aakjam nëjkx kyëxkäkta'ay ma mijtsën, yë jëyujk je'eyë nëjkx jyotku'kxënë ko ënety mtsu'utyë.

Deuteronomio 28:26

Lutëty ets witsnëty yë'ë tsyu'utstëp wyëtstëp ja mjot mnini'kx ets oyxyëp jeexyë pën jyam'aty pën y'ëtsë'këpën.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Dios yajpaaty ma Israel ja'ayëtyën.