Jeremias 34:10 - Biblia Dc en Mixe de Quetzaltepec

¹⁰ Tu'kë'ëyë ja ja'ayëty ojts tkupëktë ja jëtu'unpë ja winma'any ets y'itëty jëtu'unpë ja käjpxytyu'unën, ojts tyaj'ëwaatsëpëtsëëmta'atë ja ëyoopë mëtuunpë ets ka'ap ojts tuk'atsip'atë ets myëtunëtëty.

Biblia Mixe de Quetzaltepec

¹⁰ Tu'kë'ëyë ja ja'ayëty ojts tkupëktë ja jëtu'unpë ja winma'any ets y'itëty jëtu'unpë ja käjpxytyu'unën, ojts tyaj'ëwaatsëpëtsëëmta'atë ja ëyoopë mëtuunpë ets ka'ap ojts tuk'atsip'atë ets myëtunëtëty.

Jeremias 34:10 ပူးပေါင်းရင်းမြစ်များ

Jeremias 26:16

Ënet ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Jeremias 26:10

Ja kopktëjkëty mëti'ipë jam Judá mëj'äämpy ijtëpën, ko tnija'awëtyë wi'ix jam jyäty kyëpetyën, ënätyë jam tsyo'ontë ma ja kutujkëntëjkën, ma ja yajkutujkpë y'ëne'emyën ets ojts nyëjkxtë ma tsajptëjkën. Jam nyaaxwä'tstë ma ja Jempyë Tëjk Aawën.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Jeremias 36:12

ënät ojts nyijkxy ma ja kutujkëntëjkën ma yajpaatën ja jääpyëtëjkëty. Tap ënety tu'kmukyë yajpaatë ja wintsëntëjkëty: yë Elisamá mëti'ipë jääpyën, Delaías, yë Semaías yë myaank; yë Elnatán, yë Acbor yë myaank; yë Guemarías, yë Safán yë myaank; yë Sedequías, yë Hananías yë myaank ets wiinkëtypë.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

Jeremias 34:11

E ok jatëkok tmëkja'awëtyë ko ënety të tnajtsmatsëtë ja myëku'ukëty mëti'ipë mëtuuntëpën ets t'atsip'ajtë ets jatëkok myëtunëtëty.

Éxodo 21:2

Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënety wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.