Jeremias 33:24 - Biblia Dc en Mixe de Quetzaltepec

²⁴ ¿Tëë xymyëtoy ko ja'ay y'ëna'antë ko ëjts tëëjës n'ëxmajtsnë ja nimäjtskpë ja kutujktakn mëti'ipës ojts nwin'ixyënë? Paatykyëjxm t'ëxëëk'ijxnëtë ja nnaax nkajpnës ets ka'ap t'ëk'mëj'ijxnëtë ko nyaax kyajpnëty.

Biblia Mixe de Quetzaltepec

²⁴ ¿Tëë xymyëtoy ko ja'ay y'ëna'antë ko ëjts tëëjës n'ëxmajtsnë ja nimäjtskpë ja kutujktakn mëti'ipës ojts nwin'ixyënë? Paatykyëjxm t'ëxëëk'ijxnëtë ja nnaax nkajpnës ets ka'ap t'ëk'mëj'ijxnëtë ko nyaax kyajpnëty.

Jeremias 33:24 ပူးပေါင်းရင်းမြစ်များ

Salmos 83:4

Tëë tuknipëjktaakëtë ko ja mnaax mkajpn tyajkutëkoya'antë, e jëtu'un ëëtsëty ka'ap n'ëk'ijt n'ëktsënaaynyëtëty maas ja naax nkajpnëtyën, këtiipë nijëna'a yë Israel xyëëw yajja'amyätsëty.

Ezequiel 37:22

Mëët yë'ëjëty nyajkojäämpyës tu'uk yë naax kajpn ma ya'atë it naaxwiinyëtën, ma Israel kopkën ets nëjkxëp tmëët'atë tu'uk yë kyutujktakn. Ka'ap nëjkx y'ëknäwya'kxënëtë mäjtskpëky ets ka'ap nëjkx mäjtsk yë yajkutujkpë t'ëkmëët'ajnëtë.

Ezequiel 36:2

Ëjts Wintsën, jëtu'unës n'ëna'any: Yë Israel ja'ay yë myëtsip, jëtu'un nyäyjyawëtë yë'ë yowë nyiwintsën'ajtëp yë tun kopk xëmëkyëjxm.

Ezequiel 26:2

Jëtu'un yë Tirë kajpn të y'ënä'äny, yë'ë y'antijpy yë Jerusalén kajpn: Ix tää ënät të mya'ta'ay ja nyitëjk'aaw ja kajpn ma ijty tëëyëp ja ja'ay y'ajuy y'atooktën, tyam ëjtsës xytyukka'ap; etsës nkumeenytya'akëty ets yë'ë wä'än axit ako'owë tjajta'ay.

Ezequiel 25:3

Xy'ënëëmëty ko wä'än t'amëtoow'itë ja aaw ayuk mëti'ipë Wintsën tuknikäjxëtëpën: Miitsëty ojts xytyukxoonta'aktë ko xy'ijxtë ja ntsajptëjkës o'ktëy jyäty kyëpety, ko xy'ijxtë ja naax kajpn kyutëkooy ets ko ojts ja Judá ja'ayëty yajmënëjkxtë tsumy matsy wiink naax wiink kajpn.

Lamentaciones 4:15

Jëwa'aktë, jëwa'aktë, jëtu'un yaj'ënëëmëtë ja'ayëty; këtii xywinkuwa'akëtë tääpë ja'ayëty, ëxëëk yë'ëjëty. Yë'ë mëti'ipë tëë tyuuntëkoytyën, mëti'ipë käktëpën, jëtu'un y'ëna'antë mëti'ipë wiink tios y'ëwtajtëpën, ka'ap tjëkyepy yaa tsyëënëtëty.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Salmos 94:14

Yë Wintsën ka'ap yë nyaax kyajpn t'ëxmatsa'any ets ka'ap atu'uk tyajwë'ëma'any mëti'ipë jyä'ä'ajtypyën.

Salmos 71:11

Tyaa y'ëna'antë: Ixta'atë ets xymyatstëty, yë Tyios mëti'ipë y'ëwtajtypyën tëë jyä'äytyëkooyënë, paaty tyam ka'ap t'ëkmëët'ajnë pën yajtso'okëtëp.

Isaías 7:17

Yë Wintsën yajminäämpy ja xëëw jëmëjt mëti'ipë ka'ap nijëna'a yaj'ixynyëmën maju'unëm yë Efraín nyäpyuwa'ktu'utyën mëët yë Judá.

Isaías 11:13

Ka'ap nëjkx ja Efraín ja tsyip y'äkë t'ëkmëët'ajnë, ja Judá nëjkxëp ja jyoot'an xyä'ämnë; Efraín ka'ap nëjkx t'ëktukjoot'anpëjknë yë Judá, e yë Judá ka'ap nëjkx t'ëk'ëxëëk'ijxnë yë Efraín.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Jeremias 31:37

Jä'ä xëëw ma ënety yajkijpxy yajtsa'atyën yë tsajp ets yaj'ixy yë naaxwiinyëtë mapaat jyëjpkëxyën, jä'ä xëëw nëjkxëpës yë Israel ja'ayëty n'ixtijnëtë mëët ko ënety ëxëëkjaty winë të tuntë. Ëjts Wintsën, ëjts ënaanp.

Jeremias 33:23

Ojts yë Wintsën tmëkäjpxy yë Jeremías ets t'ënëmaay:

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.

Ezequiel 36:20

E oymyaakajpnëty ma ojts jya'tën, je'eyëm tni'ojëtë ja nxëëwës, jëtu'un ja ja'ay y'ëna'antë: Ya'atë kajpn Wintsën ijty y'ëwtajtëp, e atsip ojts tsyoontë ma nyaax kyajpnëtyën.

Ezequiel 37:11

Ënet ja Wintsën xy'ënëmaayës: Yë Israel ja'ayëty jëtu'un tä ya'atë maypyajkën. Jëtu'un y'ëna'antë: Yë npajk'ajtëm tëë tyëtstaaynyë; ëëtsajtëm ka'ap nitii n'ëk jëjp'ijxënë, tëë ntëko'oyënë.

Salmos 83:5

Tëë mijts myajnikäjpxytyunë, ets tu'kmukyë të tkäjpxy'atë jëtu'un ijxtëm jeexyë tu'uk je'eyë ja'ay myäy tyäjyën,

Jeremias 31:36

Ko ënety jëna'a ka'ap t'ëkpatuunëtë ya'atë ënä'ämën mëti'ipës nyajwë'ëmpyën, jä'ä xëëw ka'ap nëjkx yë Israel kajpn n'ëkajpniwanës. Ëjts Wintsën, ëjts ënaanp.