Jeremias 33:2 - Biblia Dc en Mixe de Quetzaltepec

² Ëjts, mëti'ipë Wintsën'ajtpën, mëti'ipë yajkojën yë naaxwiinyëtë, mëti'ipë y'oytyuunën ets pyëjktakën ma tyam yajpaatyën, jëtu'un n'ënëëmë:

Biblia Mixe de Quetzaltepec

² Ëjts, mëti'ipë Wintsën'ajtpën, mëti'ipë yajkojën yë naaxwiinyëtë, mëti'ipë y'oytyuunën ets pyëjktakën ma tyam yajpaatyën, jëtu'un n'ënëëmë:

Jeremias 33:2 ပူးပေါင်းရင်းမြစ်များ

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Éxodo 15:3

Yë Wintsën yë'ë tu'uk mëjtsiptuunpë. Wintsën, xyëëwajtyp.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Apocalipsis 21:10

Ënätës ja tsajpjotmëtë kukäjpxy ojts xytyuk'ixy ja Kënu'kxymyëkajtën ma ja kopkën këjxmëpë ets xytyuk'ijxyës ko kyëtä'äky ja kënu'kxy mëj kajpn, ja Jerusalén kajpn, mëti'ipë tsajpjotm tso'onpën Dios wyintum.

Isaías 62:7

këtii xyajpo'kxtë ja'ayëty koonëm tkoj'o'oyëtya'atëty ja Jerusalén kajpn, ets tëkokyë naax kajpn kyuuy'ëw kyuuya'axëtëty.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Salmos 102:16

ko ënety jatëkok tkoj'oyë yë Sión ets jap yajpaatëty ma ja myëj'ajt y'oyajtënën,

Salmos 87:5

Ma Sión kajpnën jëtu'un y'ëna'ana'antë: Ya'atë kajpn ets xi'itë kajpn yam ojts tsyoony. Yë Ni'ik Këjxmëpë yë'ë të tnikäjpxy.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 11:10

Jä'ä ko ja Abraham jyëjp'ijxyp ënety ets tääpë kajpn ta'tspëky yajpaatëty, ma ja Dios yë'ë yajpaatyën ijxtëm tu'uk ja tëjk kojpën.

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Amós 5:8

Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kuttujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Jeremias 10:16

Yë Dios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Jeremias 16:21

Paatykyëjxm të ntuknipëjktaakës koos ja nmëk'ajtën nyaj'ixa'anyë; jëtu'un xynyijawëtëty ko ëjts jëtu'un Wintsënajtp.

Jeremias 51:19

Tëkatsy ni'ik yë Jacob yë Tyios, mëti'ipë yajkojtaayën tëkokyë winë. Yë'ë wyin'ijx yë Israel kajpn ets yë'ë tjä'äpëjky. Jä'ä txëëwaty Wintsën mëti'ipë maaytyääyëpën winë.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.