Jeremias 33:12 - Biblia Dc en Mixe de Quetzaltepec

¹² Yë Wintsën mëti'ipë maaytyääyëpën winë jëtu'un y'ënä'äny: Ma ya'atë kajpnën, ma tyam aanë'ëk tëëtsë'ëk yajpaatyën, ma ka'ap yë ja'ayën ets ka'ap yë jëyujkën, yonaanp jiitsaanp jatëkok yë mëëy ets aay ujts, nëjkxëp yë ja'ayëty jatëkok tyaj'ok tyajwëtstë yë kyupixynyëty.

Biblia Mixe de Quetzaltepec

¹² Yë Wintsën mëti'ipë maaytyääyëpën winë jëtu'un y'ënä'äny: Ma ya'atë kajpnën, ma tyam aanë'ëk tëëtsë'ëk yajpaatyën, ma ka'ap yë ja'ayën ets ka'ap yë jëyujkën, yonaanp jiitsaanp jatëkok yë mëëy ets aay ujts, nëjkxëp yë ja'ayëty jatëkok tyaj'ok tyajwëtstë yë kyupixynyëty.

Jeremias 33:12 ပူးပေါင်းရင်းမြစ်များ

Cantares 1:7

Nëmaaykyës, mëti'ipë tsyojkpyën yë njuukyajtënës, ¿ma mkupixyny xyajtänë? ¿Maa xyajpo'kxy ko kyujkyxyëëwënë? ¿wi'ix koos jëtu'un njëtijnë tä to'oxytyëjkën ka'apë tsyënaaytyaknën ets tu'ujoty muum myaanë pyo'kxnë, ma mmëku'uktëjk tkëwent'atën yë kyupixynyëty?

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Jeremias 17:26

Minantëp yë ja'ayëty mëti'ipë tso'ontëpën ma Judá y'itjotmën, ma Jerusalén kajpnën, mëti'ipë yajpatëpën ma Benjamín y'itjotmën ets ma ja kopkjotmën mëti'ipë Négueb nyitënääpyën; myëminantëp yë tsyajppaxëty kyupixynyëty ma tsajptëjkën ets tukwintsë'ëkëja'antë ja Wintsën nino'oky nixämy, myëminantëp yë pyoomëty ets y'ääypyajk y'ujts pajkëty ets Wintsën tukmëyoxa'antë ma tyajnaxtën ja kukajpxën.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Jeremias 31:24

Yë Judá ja'ayëty ets mëti'ipë ja kajpn jam yajpatëpën, yë naaxtuunpë ja'ayëty ets kupixyny këwent'ajtpëty, jam nëjkx tsyëënëtë ets jam nëjkx yë nyaax kyajpn tyajnaaxkëta'aktë.

Jeremias 32:15

Jä'ä ko yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ma ya'atë naax kamtëjkën nëjkxëp jatëkok yaa naax kam yajjuy yajkëpety ets nëjkx yë jëën tëjk yajkojy yajmä'kxy ets nëjkxëp yaa jatëkok ja tsatsymkyam yajpëjktä'äky.

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Jeremias 51:62

E ko xykyajpxta'ajëty, tääts m'ëna'anëty: Wintsën mijts jëtu'un të m'ëna'any ko ya'atë naax kajpn xyajkutëkoyä'äny, ka'ap nëjkx yaa pën jyuuky'äty yë ja'ay ets jëyujk, aanë'ëk tëëtsë'ëk xyaj'awinpita'any.

Ezequiel 36:35

Ets nëjkx y'ëna'antë: Ijxtëm ya'atë ja naax kam janty'oy kyëxë'knë tä yë Edén naaxjotmën; jä'äts të y'ity aanë'ëk tëëtsë'ëk; ja naax kajpn mëti'ipë ojts mya'ta'ayën ets mëti'ipë ojts ëxëëk jyätyën, tyam ijxtëm ja ta'tspëky yajpatnë ets tää ja ja'ay tsyënaaynyëtë.

Hageo 1:4

¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë?