Jeremias 32:8 - Biblia Dc en Mixe de Quetzaltepec

⁸ Jëtu'un tä ënety yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënety jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

Biblia Mixe de Quetzaltepec

⁸ Jëtu'un tä ënäty yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënäty jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

Jeremias 32:8 ပူးပေါင်းရင်းမြစ်များ

1 Reyes 2:26

E ja teety Abiatar, ojts ja yajkutujkpë y'ënë'ëmxëty: Nëjkx jam Anatot, ma xymyëëtëtyën yë mnaax mkam. Mijts mjapatëp jeexyë m'ooky e tyam mpokymye'kxy, jä'ä ko tëë yë Wintsën yë kyaaxë xykyiiyjyëtity maas nteety David muum të jyëtityën ets mijts näjyëtu'un të xymyëj'ëyoowpety.

1 Reyes 22:25

Ets ja Micaías y'ëtsooy: Jäänëm xynyijawëty ko ënety winjëën wintëjk mkäknë mpujnë.

1 Crónicas 6:60

Ojts näjyëtu'un yajmo'otë kajpn mëti'ipë yë Benjamín ja'ayëty nyitënaaytyëpën, jä'ä ja kajpn yajtijtë: Gueba, Alémet ets Anatot, aakmëët ja nyinaax nyikam ma ja jëyujk tyänëtëtyën. Jä'ä ja kajpn wyinë'ajty majktëkëëk mëti'ipë ja Aarón ja myëku'uktëjk ojts tyuka'ajëtën.

Jeremias 1:1

Ja Jeremías ja y'aaw y'ayuk ets mëti'ipë tyuunën kyajpxën, yë Hilquías yë myaank. Yë Jeremías yë'ë ijty jyiiky'äjtyp myëku'uk'ajtyp yë teetytyëjkëty mëti'ipë jam Anatot tsënaaytyëpën, ma Benjamín y'itjotmën.

Jeremias 32:2

Jä'ä xëëw jä'ä jëmëjt tëë ënety yë Nabucodonosor yë tsyiptuunpëtëjk tyajnatuktë yë Jerusalén kajpn, yë Jeremías käjpxynyajxpë tsumy ënety y'ity jam ma këmoontëjk ja nyitëja'awën.

Jeremias 32:25

E mijts Wintsën, ni'ikyës të xytyuk'ëne'emy etsës njuyëty tääpë naax ma ja'ay t'ixtëtyën ets nijawëtëtyën, wa'ats xynyijawë ko yë Caldeo ja'ayëty yë'ë ëëts xymyëmëta'akantëp.

Jeremias 32:7

Ëk'ix, tää yë m'uty Hanamel mnimina'anyë, yë mjämy Salum yë myaank ets mtuk'ëwaanëja'anyë ko naax tu'uk tyookäämpy ets jeexyë mijts xyjyuy mëti'ipë jam Anatot myëët'ajtypyën. Mijts mpaatëp xyjyuyëty jä'ä ko mijts winkon mtimyëku'uk'ajtyp.

Jeremias 33:1

Tsumy matsy ënety y'ity ja Jeremías jam ma ja kyëwent'ajtpëtëjk y'itën, jam ma ja kutujkëntëjkën, ko ojts ja Wintsën jatëkok myëkäjpxyë ets y'ënëmaayë:

Jeremias 37:12

Ënet ja Jeremías tsyo'ony jam kajpntum ets ojts nyijkxy ma ja Benjamín ja'ayëty y'itjotëtyën, paaty ojts jam nyijkxy jä'ä ko naax ënety kyijpxwa'kxantëp ja ja'ayëty, e yë Jeremías tam ijty näjyëtu'un yë nyaax.

Ezequiel 12:7

Ënet ni''ijxëyës ja ntsëmy nkë'ëyës mëti'ipës nmëtsonäämpyën jëtu'un tä ënety ja Wintsën të xytyuk'ëne'emyënës ets ntso'onyës; xëënyës ntso'ony ijxnë kä'äxnë, tamës ja ntsëmy mpatsëmy jëtu'un tä ja'ay muum nyijxyën tsumy matsy wiink naax wiink kajpn. Ko jyënäkyxyëëwajty ojtsës yë potsy nyajjuty mëti'ipë naax kajpn nyapots'ajtypyën ets ko kyootsëy täätsës ja ntsëmy nätyukejkyjyëpipëy tam ja ja'ay t'ixtë ets ojts jam nyetyës ma ënety ja potsy të nyajjutyësën.

Zacarías 11:11

Jä'ä xëëw ojts tyëkoy ja käjpxytyu'unën ets ja ajuupyëtëjkëty mëti'ipës ënety jam xy'ijxtëpën, ojts tja'akyukëtë, ko ja Wintsën jä'ä jyanikäjpxyp mëti'ipë tyunäämpyën maas ënety jam winë ntunyën nkäjpxyën.

Juan 4:53

Ënet ja u'unkteety tja'amyejtsy ko nän jää horë ënety ja Jesús të nyë'ëmxëty: Juuky'ajtp yë mmaank jam. Ja yajkutujkpë ja tyuunpë ojts tmëpëky ja Jesús mëët ni'ëmukë mëti'ipë tsënaaytyëpën jam ma tyëjkën.