Jeremias 32:19 - Biblia Dc en Mixe de Quetzaltepec

¹⁹ Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Biblia Mixe de Quetzaltepec

¹⁹ Mëj këjää winë xynyimay xynyitajë ets ko tii xytyuny mëët yë mëk'ajtën ets kutujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Jeremias 32:19 ပူးပေါင်းရင်းမြစ်များ

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Isaías 28:29

Näyjyëtu'un të tuknipëjktaakë yë Wintsën mëti'ipë maaytyääyëpën winë. Yë'ë janty oyëty winë të tuknipëjktakëtyä'äy ets tyuunpy mëti'ipë të tuknipëjktaakën.

Apocalipsis 22:12

Jesukristë ënaanp: Tsojkës nmina'any. Koos nminëty ets nmo'otëtyës ja kyuma'ayënëty ëkë ja tëytyu'unën wi'ix ënety pën tii nitu'ukjaty të tuntën.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Job 34:21

Dios wa'ats t'ixy tuny wi'ixjaty ja'ay nyë'ëye'ey tyu'uye'eyën ets nyija'ap wi'ix nyäxy tyëkën.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Juan 5:29

ets pyëtsëmtëty jap jutjoty. Pën të tuntën mëti'ipë oyën, nëjkxëp jyuukpyëktë ets tmëët'atëty ja juukyajtën; ets pën të tuntën mëti'ipë ëxëëkën, juukpyëkantëp ets yajmo'otëty ja ëyo'on.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Isaías 40:13

¿Pën jëtää të t'ëk tuk'ënëmääpyë yë Wintsën ma winë oy të tkatunyën ëkë të t'ëk tukni''ijxëpë wi'ix tii t'oytyunëtyën?

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Job 34:11

Yë'ë jëtu'un yë ja'ay winë tmo'oy ijxtëm yë ja'ay winë tunyën; yë'ë myoopy yë ja'ay winë ijxtëm pyaatëtën nitu'ukjaty.

Proverbios 8:14

Ma ëjtsën yam yajpaaty yë winma'any ko tii yajtuknipëjktaakë ets oy wyimpëtsëmy jyëjpëtsëmy, ëjts wijy'ajtën'ajtp, ëjts mëjaaw'ajtp.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Dios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Salmos 111:2

Mëti'ipë yë Dios të tyajkojy të tpëjktä'äkyën janty mëj janty këjää yë oy; ets pën yë jëtu'unpë tsyojkpy jya'apën, yajxon t'ijxpëky ets t'ixy tuny.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënety ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.

Jeremias 25:14

Mëjëtypë kajpn ets mëj'äämpyë yajkutujkpë nëjkxëp tyukja'tyë ets ka'ap nëjkx yajmëtä'äkyë. Jëtu'unës ntukëpäta'any mëët ijxtëm të y'ëtë'ëtstë y'ëna'antë.

Zacarías 9:1

Ya'atë ojts tkäjpxy yë Wintsën, yë'ë yajtuknikäjxtë ja aaw ayuk yë Hadrac kajpn ets naax kajpnëty mëti'ipë yë Damasco nyitënääpyën: Yë naax kajpnëty mëti'ipë yë Sirië nyitënääpyën yë'ë yë Wintsën kyajpn niwäämpy, jëtu'un tä yë Israel kajpnën.