Jeremias 31:7 - Biblia Dc en Mixe de Quetzaltepec

⁷ Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënety të jyaakwë'ëmtën ma Israel ja'ayëtyën.

Biblia Mixe de Quetzaltepec

⁷ Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënäty të jyaakwë'ëmtën ma Israel ja'ayëtyën.

Jeremias 31:7 ပူးပေါင်းရင်းမြစ်များ

Salmos 106:47

Yajtsoktëkës ëëtsëty, Wintsën, mijts mëti'ipës nTios'ajtëpën. Yajmujktëk ëëtsëty jënu'un nyajpaatënës naaxjoty kajpnjoty, ets ja mxëëw wa'atspë nwin'ëw nwinya'axtëtyës ets mëët yë xoontakën myajmëjpëjkta'akëty.

Salmos 126:2

Ënet ojts janty jotkujk nnäjya'awëmë, ets ojts nxikëmë nxo'onëmë. Ja ja'ayëty mëti'ipë ka'ap ja Dios t'ëwtatën jëtu'un ojts y'ëna'antë: Yë Dios mëjwiin këjää winë të tuny ma yë'ëjëtyën.

Salmos 14:7

Jääpëk jeexyë Israel ja'ay nitsokën tpaatë mëti'ipë jam tso'onpën ma Sión kopkën. Ko ja Wintsën tyaj'oyëty ja nyaax kyajpn ja jyuukyajtën, ënät xyoonta'aka'antë ja Jacob ja y'u'unk y'ok, ets tëkokyë yë Israel kajpn.

Salmos 28:9

Wintsën yajtso'ok mnaax mkajpn; kënu'kxy mëti'ipë mjä'ä'ajtypyën. Kwent'at jëtu'un tä ja'ay yë kupixyny këwent'atyën. Jam xëmë xymyëët'atëty ma mkë'ëjotmën.

Salmos 67:1

Dios xypya'ëyo'owmëp ets xykyënu'kxmëty; wä'än xynyi''ijxkëtakëmë,

Salmos 69:35

Dios yë'ë yajtso'okäämpy yë Sión kajpn ets tkoj'oyëja'any jatëkok yë nyaax kyajpn yë Judá. Yë y'u'unk y'ëna'k yë tyuunpëtëjk, yë'ë tyukumayäämpy yë naax kajpn; jam tsyëënëtëty jyuuky'atëty ets yë'ë jam winë jyä'ä'atëp; tëkokyë jënu'un tmëjjawëtën yë xyëëw, yë'ë nëjkx jam y'itë tsyëënëtë.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 37:31

Ja Judá ja'ayëty mëti'ipë jaakwë'ëmtëpën, jëtu'un nëjkx yontë jyiitstë tä aay ujtsën. Nëjkxëp tyiktskä'äktë ets nëjkxëp tyëëmpätë,

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 52:8

Mëtow wi'ix ya'axtën jyoktën ja mkëwent'ajtpëtëjk ets akujk jotkujk ni'ëmukë tukyaax tukjokëtë ko tëë ja'ay myëta'aktë, jä'ä ko tëë kë'ëm timy'ixtë wi'ix ja Wintsën të wyimpityën jam Sión.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Jeremias 20:13

Kuuy'ëwtë yë Wintsën ets mëjjaw jaantyjyawëtë, jä'ä ko yë'ë yu'tsyp yë ja'ay mëti'ipë jë'ë ya'ax yajpatpën ëxëëk ja'ay itkujky.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 3:23

Ni maas nkatuk'oy'atë koos jam muum nëjkxtë tunkëjxm kopkkëjxm jëëpyë yaxpë ëkë yaxpë jojkpë; jam ma Wintsënën mëti'ipës nTios'ajtëpën, yë Israel ja'ayëty pyatëp ja nitsokën.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Miqueas 2:12

Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Romanos 11:5

Näyjyëtu'un tyam jyäty, niwäänë të wyë'ëmtë mëti'ipë ja Dios të wyinwitsëtën myëyajtënkyëjxm.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Deuteronomio 28:13

Nëjkxëp yë Wintsën myajjëwyiin'atyë, nitëkok nëjkx jëna'a ix'am mkayajpaaty, mëj'äämpy myaj'ita'anyë ma wiinkëtypë naax kajpnën, mijts nijëna'a ijxtijy mkanaxëty, e ënät jëtu'un pën mjanty kyuuytyuunpy yë mWintsën ja y'ënä'ämën tyiyajtën mëti'ipë yam ntuk'ëne'empyën xytyunëty.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.