Jeremias 31:38 - Biblia Dc en Mixe de Quetzaltepec

³⁸ Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Biblia Mixe de Quetzaltepec

³⁸ Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Jeremias 31:38 ပူးပေါင်းရင်းမြစ်များ

Zacarías 14:10

Joyjyot nëjkx yë naax kajpn y'awinpity. Tsyo'onta'akëty jam Gueba ets tyimja'tëty jam rimón ëpa'tkë'ëytsyow ma Jerusalén kajpn wyi'imyën. Këjxm nëjkx yë Jerusalén kajpn yajpaaty. Jam yë ja'ay nëjkx tsyëënëtë. Jam ma ja potsyën mëti'ipë kajpn nyapots'ajtypyën jam tsyo'onta'akëty ja tëjk'aaw mëti'ipë xyëëwajtypyën Benjamín ets tyimja'tëty jam ma Tëjk'aawën ma jam Y'ëwtityën, jam nyajxë'ëkëty ma ja potsyën mëti'ipë kujkyë tënääpyën ma txëëwatyën Hananel ets jya'tëty ma ja olivë on yajwinma'atsyën mëti'ipë ja yajkutujkpë jyä'ä'ajtypyën.

2 Reyes 14:13

Ja Joás, mëti'ipë jam yajkutujkpën Israel, ojts tmatsy ajuukyë ja Amasías jam Bet-semes, ja Judá yajkutujkpë ets ojts nyijkxy jam Jerusalén, ma tyaj'ëwatsyën ja mëjpotsy mëti'ipë ja naax kajpn nyapots'ajtypyën, jä'ä myëjwiinëty mëko'px xajpk, këjääpaat ja potsy tjijty, jampaat tsyo'ontä'äky ma ja tyëjk'aawën ja Efraín ets jyä'ty maapaat ja kajpnnuxën.

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënety të y'ityën.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

2 Crónicas 26:9

Ojts mëjpotsy tkojy jam Jerusalén, ma ja tëjk'aawën jampë ma potsy tyäkën, ma ja tëjk'aawën jampë joyjotmën ets maajaty ja potsy tyäkën jëtu'un këwent'aty xëmë y'itëty.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Nehemías 2:17

Tääjës n'ënëmaaytyë: Miitsëty wa'ats xynyijawëtë ko ëëts'ajtëm tsip oy ja njuukyajtën'ajtëm yajpaaty, ixtë ja naax kajpn Jerusalén kajpn të nyajijtutaaynyë ets ja nyijëën'aaw nyitëjk'aaw tëë nyaaxmëto'oyëtyääynyë. Mintë ni'ëmukë ma ëjtsën, puwa'këtyëkës ets tsojk nkoj'o'oyëmë ja mëjpotsy mëti'ipë ja naax kajpn nyapots'ajtypyën këtiipë ëtsajtëm nëxi'iky tukxi'iky ntimwyë'ëmëty.

Nehemías 3:1

Ënet ja teety kopk Eliasib ets ja myëteetyëjk tkoj o'oyëtyë ja tëjk'aaw, ma tijtën kupixynytyëjk'aaw. Ets tpëjktaktaaytyë ja tëjk kuwitsë maajaty ja tëjk'aawën, ets tkoj o'oyëtyë ja potsy, tyajtso'ontaktë ja jam ma tijtën mëko'px potsy ets tpaja'ajtë jam Hananel.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Jeremias 33:7

Nyajtëkatsäämpyës yë Judá ja'ayëty ets Israel ja'ayëty yë jyuuky'ajtënëty etsës jatëkok nyaj'oyëja'any tä ijty tëëyëpën.

Salmos 102:17

ko ënety tmëtoy ja wyaantso'ow pyëjktso'owën ja tëëpë yajnas'ijxënën ets ka'ap nyayajkumëtoownaxëty ja pyëjktso'owën.

Zacarías 2:6

Jëtu'un yë Wintsën y'ënä'äny: Ëjts të n'ëwa'atsy ets miitsëty axit ako'owë mjatëty wiink naax wiink kajpn. E tyam jëtu'unës n'ëna'any: Käkpëtsëmtë jam ma ja naax kajpnën, jam anëkëxmtsow. Käkpëtsëmtë jam Babilonyë, ma myajpaatën tsumy matsy, miitsëty mëti'ipë ijty tsënaaytyëpën jam Sión. Ëjts Wintsën, ëjts ënaanp.