Jeremias 31:37 - Biblia Dc en Mixe de Quetzaltepec

³⁷ Jä'ä xëëw ma ënety yajkijpxy yajtsa'atyën yë tsajp ets yaj'ixy yë naaxwiinyëtë mapaat jyëjpkëxyën, jä'ä xëëw nëjkxëpës yë Israel ja'ayëty n'ixtijnëtë mëët ko ënety ëxëëkjaty winë të tuntë. Ëjts Wintsën, ëjts ënaanp.

Biblia Mixe de Quetzaltepec

³⁷ Jä'ä xëëw ma ënäty yajkijpxy yajtsa'atyën yë tsajp ets yaj'ixy yë naaxwiinyëtë mapaat jyëjpkëxyën, jä'ä xëëw nëjkxëpës yë Israel ja'ayëty n'ixtijnëtë mëët ko ënäty ëxëëkjaty winë të tuntë. Ëjts Wintsën, ëjts ënaanp.

Jeremias 31:37 ပူးပေါင်းရင်းမြစ်များ

Job 38:18

¿Mnija'ap jënu'un myëjëtyën yë naaxwiinyëtë? Tuk'ëwa'anëkës pën mnija'ap.

Salmos 89:2

Nikajpxäämpyës ko yë mtsojkën mja'awën xëmëkyëjxm y'ity; ets mwa'atsajtën ka'ap tyëkatsy, jëtu'un tä tsajpën ka'ap nijëna'a tyëkatsy.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Isaías 65:9

Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.