Jeremias 31:33 - Biblia Dc en Mixe de Quetzaltepec

³³ Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Biblia Mixe de Quetzaltepec

³³ Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 31:33 ပူးပေါင်းရင်းမြစ်များ

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Hebreos 10:16

Ja käjpxytyu'unën mëti'ipës ntunäämpyën, yë'ë ya'atë, jëtu'un y'ënä'äny ja Wintsën: npëjkta'akäämpyës ja ënä'ämën ma jyuukyjotmën ets njaaypyäta'anyës ma wyinma'anyëtyën.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Ezequiel 37:27

Ëjts yajpaataanpës ma yë'ëjëtyën, ëjts nëjkx xyTyios'atë ets yë'ëjëty nëjkxëpës nkajpniwa'any.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Salmos 37:31

Jä'ä ko myëët'ajtyp ma jyot wyinma'anyën mëti'ipë yë Tyios tukni''ijxëyëtëpën; yë ye'eyën nyajxën xëmë ta'tspëky y'ity, nijëna'a kyakëtay.

Romanos 7:22

Jap njootjoty nwinma'anyjyotyës njatsojkpyës ja Dios ja y'ënä'ämën;

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Dios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Romanos 11:27

Ya'atë käjpxytyu'unën nëjkx tyuny ko ënety ja pyoky nimä'kxëtës.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Dios kë'ëm mtuknijawëtë wi'ix mnätsyok mnäjyawëtëty nixim niyam.

1 Reyes 8:58

Wä'än tyaj'oyë ja n'aaw'ajt njot'ajtëmë ets ntu'uye'eymyëty ma oypyë në'ë'aaw tu'u'aawën, tääts yi'iyë nmëma'ay nmëtajmëty ja y'ënä'ämën tyiyajtën, ja y'aaw y'ayuk ets tuunk mëti'ipë ojts tyajwë'ëmyën mëët ja nteety'ajt n'ap'ajtëmë.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Oseas 2:20

Mijts mpëkäämpy ets nwinkutsë'ëkëjäämpy, etsës näjyëtu'un xy'ixkäpëty ko ëjts Wintsën.

Sofonías 3:13

Ja Israel ja'ayëty mëti'ipë ënety juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënety miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

2 Samuel 7:24

tëë mijts kë'ëm xytyimnikäjpxy ko yë Israel kajpn yë'ë xykyajpn'ata'any xëmëkyëjxm ets ko mijts Wintsën, m'ëwtata'anyë.

Salmos 40:9

Tëës nikäjpxy ma mnaax mkajpnën tëkokyë mëti'ipë oy yajtuunp yajkajpxpën. Mijts Wintsën, wa'ats xynyijawë ko ka'apës amonyë n'ity.

Proverbios 7:3

Këxtsumpyën xymyëët'atëty ma mkë'ëwa'axyën, akëpäjky xymyëët'atëty.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.