Jeremias 31:30 - Biblia Dc en Mixe de Quetzaltepec

³⁰ Jä'ä ko jä'ä xëëw, pën ënety ja tsatym xun jyi'kxypyën, yë'ë nëjkx tyëtsxëmimyë. Nijä'äjaty nëjkx ja ja'ay ja nyëë pyoky tkumëtoy.

Biblia Mixe de Quetzaltepec

³⁰ Jä'ä ko jä'ä xëëw, pën ënäty ja tsatym xun jyi'kxypyën, yë'ë nëjkx tyëtsxëmimyë. Nijä'äjaty nëjkx ja ja'ay ja nyëë pyoky tkumëtoy.

Jeremias 31:30 ပူးပေါင်းရင်းမြစ်များ

2 Reyes 14:6

Je'eyëp ko ja yu'unk y'ëna'këty ja yaja'ay o'kpë ka'ap ojts tyaj'o'kë, yë'ë ojts tpatuny ja ënä'ämën, ma ja Wintsën y'ënänyën: Yë teety taak ka'ap tjëkyepy tkukëpätëty ja nyëë pyoky ja y'u'unk y'ëna'k ets näjyëtu'un ja u'unk ëna'k ka'ap tjëkyepy tkukëpätëty ja tyeety tyaak ja nyëë pyoky, ja ja'ay mëti'ipë tuuntëkoopyën yë'ë ja kyë'ëmpoky kyukëpätëp.

Job 21:20

Yë ja'ay mëti'ipë pokytyuunpën yë'ë mëpaat tyiytyunyë yë Wintsën mëti'ipë maaytyääyëpën winë.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Ezequiel 3:24

Tä ja Dios xytyuktëjkëyës ja jyot myëjaaw etsës xyajwa'akë'ky ets xynyëmaayës: Nëjkx mnäyajku'ëtukyë mtëkoty.

Ezequiel 33:13

Ko tu'uk yë ja'ay ntukwinwanëtyës yë juukyajtën ets yë'ë y'ëna'anëty ko kopkpëky ja jyuukyajtën tmëët'ajnë ets tyuuntëkoyëty, ka'apës nëjkx yë'ë n'ixy oy ënety oy tii më''ëka'any të tuny, nëjkxëp ja tku'ookë ja tyuuntëko'oyën.

Ezequiel 33:18

Ko tu'uk yë ja'ay mëti'ipë oy juukyajtpën t'ëxmatsëty ja mëtëypyë ja tu'unën kajpxën ets aakjä'ä tuunëty ja ëxëëkpë, nëjkxëp tku'ookë.

Ezequiel 33:8

Wä'änxyëp ëjts nikajpxëtyës ko tu'uk ja ja'ay ënety y'ooka'any mëët ko tmëët'aty ja nëë poky; e mijts pën ka'ap ja ja'ay xytyuk'ëwaanë ets tyajtëkatsëty ja jyuukyajtën ets yë'ë ka'ap ja jyuukyajtën tyajtëkatsy, tääpë pokyjyä'äy kyë'ëmpoky nëjkx tku'ookë, e mijts nëjkxëp ntukumëtoy ko ënety tääpë ja'ay të y'ooky.

Gálatas 6:5

Këëkjä'ä ja tuunk ëyo'on yajtuunk'aty.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënety pokytyuunpën, yë'ë kë'ëm kyëpätëp ja nyëë pyoky.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.