Jeremias 31:28 - Biblia Dc en Mixe de Quetzaltepec

²⁸ Jëtu'un tääjës ojts poj'am nwijxë'ëky nnujkë'ëkyën ja ëxëëkpë ets nkujijtnajxyës mëti'ipës ka'ap n'oy'ixyën, xit ko'ow ntuunyës ets nyajkutëkooytyääyës ja ka'apë myëtëyëtyën, jëtu'unës näjyëtu'un jëjp'ixy nyajpaata'any ets jyää'atëty ja kojën mä'kxën. Ëjts Wintsën, ëjts ënaanp.

Biblia Mixe de Quetzaltepec

²⁸ Jëtu'un tääjës ojts poj'am nwijxë'ëky nnujkë'ëkyën ja ëxëëkpë ets nkujijtnajxyës mëti'ipës ka'ap n'oy'ixyën, xit ko'ow ntuunyës ets nyajkutëkooytyääyës ja ka'apë myëtëyëtyën, jëtu'unës näjyëtu'un jëjp'ixy nyajpaata'any ets jyää'atëty ja kojën mä'kxën. Ëjts Wintsën, ëjts ënaanp.

Jeremias 31:28 ပူးပေါင်းရင်းမြစ်များ

Jeremias 24:6

ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Jeremias 45:4

E mijts jëtu'un xy'ënëëmëty, ko jëtu'un yë Wintsën y'ënä'äny: Ëjts nyajkutëkooyäämpyës mëti'ipës të nkojyën, nwijxë'ëkäämpyës mëti'ipës të npenyën; wa'atsës winë nyajkutëkoyä'äny yaa naaxwiiny.

Jeremias 44:27

Jä'ä ko ëjts yi'iyës ënety jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Hechos 15:16

Okës nwinpita'any ets n'akoja'anyës ja David ja tyuktëjk; ja tyukpotsy, ets jatëkok nyajwa'kukëja'anyës,

Daniel 9:14

Paaty mijts Wintsën jëtu'un të xytyuknipëjktaakë etsës të xytyuknikäxtë ja ëxëëkajtën; jä'ä ko mijts Wintsën mëtëy winë xytyuny, e ëëtsëty ka'apës të nmëjpëjkta'aktë mëti'ipë mijts të xyjyanikäjpxyën.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Salmos 147:2

Yë Wintsën yë'ë kyoj'o'oyëp yë Jerusalén kajpn ets yë'ë yajtu'ukmujkpy yë Israel ja'ayëty oy muum xit ko'ow yajpaatë.

Salmos 69:35

Dios yë'ë yajtso'okäämpy yë Sión kajpn ets tkoj'oyëja'any jatëkok yë nyaax kyajpn yë Judá. Yë y'u'unk y'ëna'k yë tyuunpëtëjk, yë'ë tyukumayäämpy yë naax kajpn; jam tsyëënëtëty jyuuky'atëty ets yë'ë jam winë jyä'ä'atëp; tëkokyë jënu'un tmëjjawëtën yë xyëëw, yë'ë nëjkx jam y'itë tsyëënëtë.

Salmos 102:16

ko ënety jatëkok tkoj'oyë yë Sión ets jap yajpaatëty ma ja myëj'ajt y'oyajtënën,

Deuteronomio 30:9

Yë Wintsën yë'ë mputëkëjanëtëp oy tii xytyimtuntëty. Yë'ë nëjkx tkënu'kxy ja m'u'unk m'ëna'këty, mjëyujk mtsajpkaajëty, mtsajppax mkupixynyëty ets mkamëty mtu'ujëty, ijxtëm yam xymyëtowtën. Yë Wintsën jotkujk myaj'ita'anëtë. Jotkujk nëjkx nyäjyawëty ko ënety mputëkëtë, jëtu'un tä ijty tputëkën ja m'ap m'okëty.

Jeremias 1:12

Ets ja Wintsën xy'ëtsooyës: Tëy tä m'ëna'anyën. Ëjts jëjp'ijxp n'ita'anyës etsës ja n'aaw n'ayuk yajkuuytyunëty.

Jeremias 32:42

Ënet ja Wintsën jyaak'ënany: Jëtu'un tääjës mëj këjää yë ëyo'on jotmay të nkexyën ma ya'atë kajpnën, näjyëtu'unës yë oypyë ntuknikäxa'antë mëti'ipës të ntukwinwanëtën.

Jeremias 42:10

Pën miitsëty mwë'ëma'antë yaa tsënääpyë ma ya'atë it naaxwiinyëtën, tyam mputëkëtëty ets jotkujk mjuuky'atëty; ka'ap nyajkutëkoytyëty, ni'ikyë nëjkx nkojtë nma'kxtë tä aay ujts yajkojyën ets ka'apë nijëna'a yajwijxë'ëkyën, jä'ä ko nmëkja'apës ko miitsëty ja ëyo'on të ntuknikäxtë.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Ezequiel 36:10

Nyajnimayëjäämpyës yë Israel kajpn mëti'ipë jam yajpatpën. Yë naax kajpn nëjkxëp tyuktujkta'ay mëët yë ja'ay ets nëjkxëp yajkoj'o'oyëtyä'äy mëti'ipë xit ko'ow të jyatën.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Zacarías 8:14

Jëtu'un yë Wintsën y'ënä'äny mëti'ipë maaytyääyëpën winë: Ëjts tëëjës ënety ntuknipëjktaakë koos ntëytyuna'antë yë m'ap m'okëty mëët koos xyajjoot'anpëjktë ets jekyës ojts jëtu'unpë winma'any nmëët'aty.

Zacarías 8:15

E tyam, tëëjës ntuknipëjktaakë ko yë Jerusalén ja'ayëty ets Judá ja'ayëty mpa'ëyowa'antës, paaty miitsëty këtii mtsë'ëkëtëty.