Jeremias 31:27 - Biblia Dc en Mixe de Quetzaltepec

²⁷ Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Biblia Mixe de Quetzaltepec

²⁷ Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Jeremias 31:27 ပူးပေါင်းရင်းမြစ်များ

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Ezequiel 36:11

Nyajnimayëjäämpyës yë ja'ay ets jëyujk ma miitsëtyën ets may'äämpy y'awinpitëty. Nimay nëjkx ni'ik m'itë jëtu'un tä ijty tëëyëpën ets nëjkxëp mjotkujkëtë. Ënet nëjkx xynyijawëtë ko ëjts Wintsënajtp.

Ezequiel 36:9

Ëjts nkëwent'atäämpyës ets oy yääktëty yontëty jyiitstëty ets yajkoj yajpäntëty.

Zacarías 10:9

Ojtsës nyajye'eywya'kxtë ma wiinkëtypë naax kajpnën, je'eyëp ko oy ënety muum jëkäm yajpaatë, nëjkxëpës xyjyä'ämyätstë ets nëjkx wyimpitë jatëkok mëët yë y'u'unk y'ëna'këty ma nyaax kyajpnëtyën.

Jeremias 30:19

Jap nëjkx ja'ay tkukajpxëtë tja'awëkyëta'aktë ets nëjkx xyi'iktë xyontë. Yë ja'ay niwäänëpë, ni'ikyës nyajnimayëja'antë. Ëjts ka'apës ni pën n'ixtija'any, ni'ikyës ntsoka'an njawëja'antë.

Deuteronomio 30:9

Yë Wintsën yë'ë mputëkëjanëtëp oy tii xytyimtuntëty. Yë'ë nëjkx tkënu'kxy ja m'u'unk m'ëna'këty, mjëyujk mtsajpkaajëty, mtsajppax mkupixynyëty ets mkamëty mtu'ujëty, ijxtëm yam xymyëtowtën. Yë Wintsën jotkujk myaj'ita'anëtë. Jotkujk nëjkx nyäjyawëty ko ënety mputëkëtë, jëtu'un tä ijty tputëkën ja m'ap m'okëty.

Ezequiel 36:10

Nyajnimayëjäämpyës yë Israel kajpn mëti'ipë jam yajpatpën. Yë naax kajpn nëjkxëp tyuktujkta'ay mëët yë ja'ay ets nëjkxëp yajkoj'o'oyëtyä'äy mëti'ipë xit ko'ow të jyatën.

Salmos 107:41

Yë'ë yajpëtsëëmpy yë ëyoopëja'ay ma myony tyukyën; ets tyajnimayë ja y'u'unk y'ok tä kupixyny ets tsajppaxën.