Jeremias 31:2 - Biblia Dc en Mixe de Quetzaltepec

² Jëtu'un yë Wintsën y'ënä'äny: Ëjts oyës ojts yë njot nwinma'any nyajkëxë'ëky jam të'ëts'itjotm mëët ja naax kajpn mëti'ipë kyukäktën ja o'kën. Ma ënety ja Israel kajpn t'ixta'ayën ja po'kxtakn,

Biblia Mixe de Quetzaltepec

² Jëtu'un yë Wintsën y'ënä'äny: Ëjts oyës ojts yë njot nwinma'any nyajkëxë'ëky jam të'ëts'itjotm mëët ja naax kajpn mëti'ipë kyukäktën ja o'kën. Ma ënäty ja Israel kajpn t'ixta'ayën ja po'kxtakn,

Jeremias 31:2 ပူးပေါင်းရင်းမြစ်များ

Salmos 78:52

Jëtu'un ojts twoowpëtsëmy ja Israel kajpn tä yë ja'ay twoowtsoonyën yë kyupixyny; jamtsow ojts twoownëjkxy ja nyaax kyajpn të'ëts'itjotm.

Salmos 95:11

Paaty ojts npokyës etsës t'ënëmaaytyë, ko ka'ap jam tyëkëja'antë maas ja npo'kxtaknën.

Éxodo 1:16

Ko jam xypyutëkëtëty yë to'oxytyëjkëty yë hebreo ja'ayëty, ma jam tyajmintën naaxwiiny yë y'u'unk myääyëty, yajxon xytyim'ixtëty, pën to'oxytyëjk yajwë'ëmtë wä'än tjuuky'äty, e pën ye'etyëjkts ënätyë xyaj'ooktëty.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënety ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Éxodo 33:14

Tä ja Dios ojts y'ëtsoyë: Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.

Éxodo 5:21

ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Ezequiel 20:35

Jam nyajnëjkxa'antë ma ënety ja naax kajpn aanë'ëk tëëtsë'ëk të jyajta'ayën ets wiinxë jëjpxë nëjkx jam tu'ukjaty ntukwinmëtowtë wi'ix m'ëyowtëtyën, jëtu'un tä ja mteety m'apëty ojts ntukwinmëtowtënës ja tyuuntëko'oyënëty jam të'ëts'itjotm ma Egiptë tnitänën. Ëjts Wintsën, ëjts ënaanp.

Oseas 11:4

Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 1:33

Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënety kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.

Deuteronomio 12:9

E tëyajtën ko miitsëty ka'ap jam mja'tënëm ma ja it naaxwiinyëtën ma nëjkx akujk jotkujk mjuuky'atën, ma ja Wintsën mo'oja'anëtën.

Deuteronomio 2:7

Yë'ë ja'awëy'itë ko Dios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Josue 1:13

Miitsëty mja'amyäjtstëp wa'ats wi'ix ojts ja Moisés m'ënë'ëmxëtën, ja Dios ja tyuunpë; ko mnëmaayëtë, ko yë Wintsën miits mooyëtëp ya'atë it naaxwiinyëtë ma jotkujk mpo'kxtëty mpëktëtyën.