Jeremias 31:19 - Biblia Dc en Mixe de Quetzaltepec

¹⁹ Ojts tëkok n'ëxmatsy nmajtstu'uty, mëkës jatëkok njawë; kë'ëmës të nmëmay të nmëtajy ko nmëët'ajtypyës ja poky, paaty mëk nnäkyätykyoxyës mëët ja tsëtyu'un, koos nja'amyetsy wi'ixës ojts ntuuntëkoyën koos n'ëna'k'ajty.

Biblia Mixe de Quetzaltepec

¹⁹ Ojts tëkok n'ëxmatsy nmajtstu'uty, mëkës jatëkok njawë; kë'ëmës të nmëmay të nmëtajy ko nmëët'ajtypyës ja poky, paaty mëk nnäkyätykyoxyës mëët ja tsëtyu'un, koos nja'amyetsy wi'ixës ojts ntuuntëkoyën koos n'ëna'k'ajty.

Jeremias 31:19 ပူးပေါင်းရင်းမြစ်များ

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Dios Teety, pa'ëyoowkës, pokyjya'ayës ëjts.

Deuteronomio 30:2

Ets mjootwinpitëty, xyjyä'ämyätstëty jatëkok ja Wintsën mëët tu'kë'ëyë ja m'u'unk m'ëna'k ets xytyuntëty winë aaw winëjot tä yam të ntuk'ënä'ämtën.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Lucas 15:30

E ko ya'atë m'u'unk të jyä'ty, mëti'ipë mmeeny të tyajkëxyën mëët ja ku'into'oxytyëjkëty, myaj'o'këp yë tsajpkaani'kxpë.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Jeremias 32:30

Tyimtso'ontäky yë Israel kajpn ets Judá kajpn yi'iyë tyuuntëp ka'apës n'oy'ixyën; yë Israel kajpn xëmë yë'ë xytyuk'yajjoot'anpëktës ko t'ëwtatë awinax mëti'ipë yë'ë kë'ëm yajkojtëpën. Ëjts Wintsën, ëjts ënaanp.

Jeremias 22:21

Ojts mijts njamëkäjpxy ma ënety akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Job 20:11

Ma ënety yajxon të myëjaawtëkën ets y'ëna'k'atyën jää nëjkx jyëjptä'äky jap naaxpa'tkë'p.

Job 13:26

Ëxëëkëm yë aaw ayuk mijts xytyuknipëtsëmyës; yi'iyës janaam jatsojk xy'amëtoop wi'ixës të ntuuntëkoyën winë koos të n'ëna'k'aty.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Ezequiel 21:17

Ëjts ni'ikyës yam näjyëtu'un nyajjoot'anpëka'any koonëmës yë n'äkë xyäämëty. Ëjts Wintsën, ëjts ënaanp.