Jeremias 31:18 - Biblia Dc en Mixe de Quetzaltepec

¹⁸ Tëës yë Efraín yë y'u'unk y'ok nmëtoowë wi'ix jyi'iy yä'äxyën: Ëjts jëtu'unës ijty nyajpaaty tä tu'uk tsajpkaa yä'äyën mëti'ipë inën, e mijtsës të xyajyujytyä'äky; yajwinpijtkës jatëkok ma mijtsën, jä'ä ko mijts tu'ukyë mWintsën'ajtp mëti'ipës nTios'ajtypyën.

Biblia Mixe de Quetzaltepec

¹⁸ Tëës yë Efraín yë y'u'unk y'ok nmëtoowë wi'ix jyi'iy yä'äxyën: Ëjts jëtu'unës ijty nyajpaaty tä tu'uk tsajpkaa yä'äyën mëti'ipë inën, e mijtsës të xyajyujytyä'äky; yajwinpijtkës jatëkok ma mijtsën, jä'ä ko mijts tu'ukyë mWintsën'ajtp mëti'ipës nTios'ajtypyën.

Jeremias 31:18 ပူးပေါင်းရင်းမြစ်များ

Job 5:17

Jotkujk ets xoontä'äky yë ja'ay yajpaaty mëti'ipë Dios ojëpën; këtii xy'ëxëëkjawëty ko m'ojëtëty yë Dios mëti'ipë maaytyääyëpën winë.

Salmos 118:18

Tëës yë Wintsën mëk xytyiytyuny, e ka'apës të xytyimyaj'ooky.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Salmos 31:15

Yë njuukyajtënës mijts yë mkë'ë'am'ajtyp; yaj'ëwaatsëpëtsëëmkës maas yë nmëtsiptëjk xy'ixjëtit xypyajëtitën.

Salmos 32:9

Këtii jëtu'un mja'ay'atëty ijxtëm yë mëkjëyujkën ëkë kwaayën, ka'apë jyä'äkyukëtën. Koonëm yë tejpxy yajtuk'ajäänë'ëky täänëm wya'ak'oyë, ko jeexyë tii kyayajtuk'apëkë ka'ap jeexyë niwi'ixtsow wya'ak'oyë.

Salmos 80:19

Wintsën, Dios mëti'ipë maaytyääyëpën winë, mijts m'a'ixëp etsës jatëkok jëtu'un nja'ay'atëty tä ijty tëëyëpën. Ni''ijxkëtaktëk ëëtsëty etsës npaatëty ja nitsokën.

Salmos 80:3

Mijts Dios, m'a'ixëp ets jatëkok jëtu'un nja'ay'atëtyës tä tëëyëpën. Ni''ijxkëtaktëkës mëët yë oyjyot oywyinma'any e jëtu'un'äämpy jatëkok nyajpaatëtyës ëwaatsëtuuy.

Salmos 80:7

Dios, mëti'ipë maaytyääyëpën winë, mijts m'a'ixëp ets jatëkok ëëtsëty jëtu'un nja'ay'atëty tä pya'tkë'p'ajtyën. Ni''ijxkëtaktëk ëëtsëty ets jëtu'un jatëkok nyajpaatëtyës ëwaatsëtuuy.

Salmos 85:4

Dios, mëti'ipë ëëtsëty nnitsokpë'ajtëpën, yajnitsoktëkës tyam ets këtiis xy'ëktukjoot'anpëjknëtë.

Salmos 94:12

Wintsën, janty jotkujk yë ja'ay yajpaaty ko xytyukmëkäjpxy ënätyë ko tii oy tkatuny, jëtu'un ja ijxpëjkën ni'ikyë xymyo'oy,

Proverbios 26:3

Yë ja'ay yajyujpy yë kwaay, yë krukts yajpëjktakp yë y'ajäänë'ëk, e yë tsuuja'ay yajwinto'pxy ets jyä'äkyukë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Proverbios 3:11

U'unk maay, këtii xywyiinkjawëty ko yë Dios mtukmëkajpxëtëty ma ënety tii oy xykya'tunyën, ets këtii xy'ëxëëkjawëty ko mmëkmëkajpxëtëty.

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Isaías 53:7

O'ktëy yajtuuny yaj'ënëmaay, niwi'ix ojts kya'ëna'any, amonyë tkupëjky ja nätyiytyunë; jëtu'un ojts yajmënëjkxy ma o'ktaknën tä tu'uk kupixyny yajmënëjkxyën ma y'o'ktaknën, amonyë y'ijty, nitu'k'aaw kyakajpxpëtsëëmy, jëtu'un tä tu'uk kupixyny ayääkën mëti'ipë yajnikä'ptutpën.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Jeremias 17:14

Wintsën, yajtsooypyäjtkës etsës ntso'okëty; yaj'ëwaatsëpëtsëëmkës etsës njotkujkëty, jä'ä ko mijts tu'uk nyajmëjnajxyp.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Lamentaciones 5:21

Wintsën, yajwinpijtëk ëëts jatëkok ma mijtsën, winpitantëp ëëtsëty. Mijts m'a'ixëp etsës ja njuukyajtënëty jëtu'un jatëkok y'awinpitëty tä ijty tëëyëpën.

Ezequiel 20:43

Jam nëjkx xyjyä'ämyätstë tëkokyë ja ëxëëktu'un ëxëëk kajpxën mëti'ipë të mnätyukyaj'ëxëëkëtën ets kë'ëm nëjkx ëxëëk mnäyjyawëtë ko ënety xyjya'ämyätstë wi'ix tëkatsy winë të xytyuntën.

Daniel 9:13

Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Oseas 10:11

Yë Efraín jëtu'un ijty tä tu'uk yë tsajpkaajën yujypyë mëti'ipë wyinte'empyën yë tsajpmok. Tëës tu'uk yë kepy ntukyo'kapë ma ja yo'knën oypyë tsujpë, mëti'ipë tsajpkaa myëyuupyën ets tpajëtutëty yë kepy wintëkäämpë; e yë Judá yë'ë pyajëtutäämpy mëti'ipë naaxtajpën ets Jacob mëti'ipë naaxwo'kpën.

Oseas 4:16

Yë Israel je'eyë kyäjpxykyutëjy tä tu'uk tsajpkaa inën; ¿ets ënät nkëwent'ajtpëtyësë ma jyi'kxyjyotëtyën tä jeexyë kyupixyny'atënë?

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

Jonás 3:10

Ojts yë Dios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënety të tnikäjpxyën.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Malaquías 3:16

Ja ja'ayëty mëti'ipë myëtuuntëpën yë Dios ojts oy myäytyë tyajtë ets ja Wintsën ojts tmëtoy mëti'ipë ënety pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Dios twintsë'ëkëtëty.

Malaquías 4:6

Yë'ë tyuktëkëjäämpy ets wä'än ja teety taak mëët ja y'u'unk y'ëna'k tkajpx'oyëtë ja tsip käjpxy. Jä'ä ko pën ka'ap nyäyaj'oyëtë minaanpës etsës ntëytyuna'anyës yë naax kajpn ets nyajkutëkoyä'änyës.

Lucas 1:17

Ya'atë Juan, yë'ë nëjkx jëwyiin nyijkxy, mëët ja jyot jya'awën ja käjpxynyajxpë Elías. Yë'ëts ja u'unktaak u'unkteety nëjkx tyajnämyë'oypyikyë mëët ja y'u'unk y'ëna'k ets tjatëty wi'ix ja Dios tmëmëtowtëtyën. Jëtu'unts ja ja'ay tnipëjktaakëty ets tjëjp'ixtëty ja Wintsën.

Lucas 15:20

Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Hebreos 12:5

Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.