Jeremias 31:14 - Biblia Dc en Mixe de Quetzaltepec

¹⁴ Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Biblia Mixe de Quetzaltepec

¹⁴ Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Jeremias 31:14 ပူးပေါင်းရင်းမြစ်များ

2 Crónicas 6:41

Mëj mijts m'itëty Wintsën, mëët ja mkaaxë mëti'ipë myëët'ajtypyën ja mëj'ajtën, ets min ma ja mtsajptëjkën ets mpo'kxëty. Ja mtuunpëtëjkëty, ja teetytyëjkëty, wä'än tnikajpx tnimëtya'aktë mijts ja mnitsokën ets ja mëti'ipëjaty mëtuunëpën wä'än tukxoonta'aktë ko oy tsuj jyuuky'atë.

Nehemías 10:39

jä'ä ko yë Israel ja'ayëty ets Leví ja'ayëty yë'ë patëtëp tmënëjkxtëty yë tsajpmok, uuky ets on jam ma pëjkë'ëky y'ityën yë apëjk atu'unën kënu'kxypyë, näjyëtu'un ma ja teetyëjk mya'atën pyo'kxtën mëti'ipë këwent'ajtëpën, ma y'itën ja mëti'ipë ja tëjk'aaw y'atënaaytyëpën, ets ma y'itën mëti'ipë ëëwtëpën yaxtëpën, jampë ma tsajptëjk yajpaatyën. Ets ojts ni'amukë n'ëna'antës ko ka'ap yaj'ëxmatsëty yë tsajptëjk.

Salmos 107:9

Yë'ë yajmoonëp yë ja'ay yë tyëëtsë mëti'ipë tëtsëpën, ets yajkääpy yaj'ukpy may yë ja'ay mëti'ipë yu'o'këpën.

Salmos 132:16

Nkënu'kxäämpyës yë teetyëjk mëti'ipë jap tuuntëpën tsajptëkoty, ëjts nyajkutukäämpy ets xyi'iktëty xyontëty mëët ja xoontakën mëti'ipë oy mmëtuunëpën.

Salmos 132:9

Wä'än ja teetytyëjkëty tmëmay tmëtajtë ja mëtëypyë ja nipaye'eyën; wä'än jotkujk t'itë ja'ayëty mëti'ipë mmëtuunëpën.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

Salmos 63:2

Jëtu'un njajanty'ixa'any ma mtsajptëjkën, etsës njatukxoonta'aka'any ja mmëkajtën m'oyajtën,

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Salmos 63:6

Koots, koos nma'ajanë; ënätës yë nwinma'any jyä'ty ma mijtsën ets nja'amyetsy;

Salmos 65:4

Janty xoontä'äky yë ja'ay yajpaaty mëti'ipë mijts kë'ëm mwin'ijxypyën ets jam xyajnëjkxy tsënääpyë winkon ma m'ityën, ma ja tsënaaytyaknën mëti'ipë jam ma mtsajptëjkën. Jotkujk ëëts nnäyjyawëtë mëët ja xoontakën mëti'ipë jap ma mtsajptëjkën, ets ko jyap'aty ja oyajtën.

Salmos 85:13

Ja tëyajtën yë'ë jëyëjp naxaanp, ets nipëjktaakëja'any ja në'ë tu'u.

Salmos 90:14

Myaj'utsëp yë njot nwinma'anyëtyës mëët yë mtsojkën mja'awën ko xyiinytya'akëty, ets jotkujk n'ëwtëty nya'axtëtyës mapaatës njuuky'atën.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Isaías 61:6

Jä'ä miitsëty myajtija'antë teety mëti'ipë Dios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

Jeremias 31:25

Ku'uxyës nyajkaya'an nyaj'uuka'antë mëti'ipë ënety të y'ënu'kxëtën ets të myëjaawkëxtën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Ezequiel 34:14

Jamës nyajnëjkxa'antë ma oypyë jë'kxy pëky tjë'kxtëtyën, ma ja ujts jotmën mëti'ipë jamën ma Israel kopkën. Nëjkxëp jam pyo'kxtë ets aakyë'ë nëjkx oyëtypë aay ujts tjë'kxtë.

Hageo 2:19

Ëk'ixtë, tyam ka'ap y'ëmaaytya'aka'any jë'kxy pëky ma mjëën mtëjkëtyën. Ka'anëm tpaaty ma tsatym pyëti'ikyën ets higos, granadas ets olivë yajtuunk'atyën, ëjts yam miitsëty nkënu'kxta'ajantëp.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Efesios 3:19

N'amëtoopy npëjktsoopyës ets xynyijawëtëty ya'atë tsojkën ja'awën, ko ni'ik myëjëty këtiinëm tii wiinkpë, ets ni'ikyë xypyaatëty ja Dios ja y'oyajtën.

Deuteronomio 33:23

Jëtu'un ojts tnikäjpxy ja Neftalí: Yë Neftalí tukjotkëtakëp yë Wintsën ets mëj këjää kyënu'kxa'anyë, yë'ë nëjkx tjä'ä'aty yë nëëjot jampaat ëpa'tkë'ëmtsow.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.