Jeremias 30:21 - Biblia Dc en Mixe de Quetzaltepec

^21-22 Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Biblia Mixe de Quetzaltepec

^21-22 Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Jeremias 30:21 ပူးပေါင်းရင်းမြစ်များ

Génesis 18:27

Ënet yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Génesis 18:30

Ënet ja Abraham tjaakmënu'kxtä'äky ja Wintsën ets t'ënëmaay: Wintsën këtiis xytyukjoot'anpëkëty oy yam mijts jëtu'un n'ëkyajjotkëxy. Wä'änxyëp jëtää jap je'eyë xypyaatëty yë wa'ats ja'aytyëjk ni''i'px majkën. Tä ja Dios y'ënëmaaykyojënëpë: Pën janty jap ni''i'px majkën npokymyä'kxëpës yë naax kajpn.

Génesis 18:32

Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Nehemías 7:2

Yë'ëjës ntuknipëjk yë nmëkä'äxës Hananí ets kyutuunk'atëty jam Jerusalén ets Hananías yë'ë kyutuunk'atëty jam ma ja mëj kajpnën mëti'ipë këwent'aty, ijtpën jä'ä ko yë'ë oy ënety jyä'äy'äty ets mëk ijty ni'ik twinkutsë'ëkë ja Wintsën. Tnikutuunk'atëty ja naax kajpn jam Jerusalén.

Salmos 65:4

Janty xoontä'äky yë ja'ay yajpaaty mëti'ipë mijts kë'ëm mwin'ijxypyën ets jam xyajnëjkxy tsënääpyë winkon ma m'ityën, ma ja tsënaaytyaknën mëti'ipë jam ma mtsajptëjkën. Jotkujk ëëts nnäyjyawëtë mëët ja xoontakën mëti'ipë jap ma mtsajptëjkën, ets ko jyap'aty ja oyajtën.

Salmos 89:29

Yë y'u'unk y'ok, yë'ë nëjkx kyutëkëty ma yajkutujktaknën, ets yë'ë nëjkx y'ënä'ämtë mapaat jyää'atyën yë tsajp.

Éxodo 3:5

Ënet ojts ja Dios y'ënë'ëmxëty: Këtii nëkooyë mwinkony, jän yë mkë'ëk, jä'ä ko yë naax tääpë xytyukteenyën kënu'kxy yë'ë.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Jeremias 30:9

Ëjts nëjkx xymyëtuny, ëjts maas nxëëwatyën Wintsën, nëjkxëp tmëtuntë yë David, mëti'ipës npëjkta'akäämpyën ënä'ämpë yajkutujkpë.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Jeremias 49:19

Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënety të nwin'ixyën. Jä'ä ko ka'ap maa jëtu'unpë Dios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Jeremias 50:44

Ajotkumonës nmina'any, jëtu'un tä tu'uk kaa ye'epyëtsimyën ujtsjoty jam ma Jordán nëëjën ets kyupëyë'ëkë mëëyjoty ma xyeemyëtyën ets nyajka'aka'anyës yë Babilonyë ja'ayëty, yë'ëjës jam mpëjkta'akäämpy ja'ay yajkutujkpë mëti'ipës të nwin'ixyën. Jä'ä ko, ¿pënës xy'ëkmëpaatëp? ¿Pën ëktsiptuna'anëp mëët ëjts? ¿Pën kupixyny këwent'ajtpë xy'ëkwinkuwa'akëpës?

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Mateo 2:2

Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Mateo 27:37

Jam kyëpajkëjxm ojts tkëxja'atë tu'uk ja ayuk mëti'ipë yaj'ënantëpën: Ya'atë jëtu'un Jesús, mëti'ipë jutiiyës ja'ay yajkutujkpë'ajtëpën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Lucas 24:26

Ko jëwyiin ja Jesús y'ëyowëty ets ok tpëkëty ja myëj'ajt y'oyajtën.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

Deuteronomio 17:15

Yë'ë myajm'ënä'ämtëp tu'uk yë ja'ay mëti'ipë kunaax kukajpnën ets mëti'ipë ënety ja Wintsën wyin'ijxypyën. Ka'ap mëpaat y'ëne'emy yë ja'ay ma miitsëtyën, mëti'ipë wiink naax wiink kajpn tso'onpën ets ka'ap xymyëkunaax'at xymyëkukajpn'atë.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënety ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Deuteronomio 33:5

ets jam'ajt ja yajkutujkpën Jesurún, ko ye'eymyujktaaytyë ja mëti'ipë nyikopk'ajtëpën ja kyajpn, ko ye'eymyujktaaytyë ja Israel ja'ayëty.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.