Jeremias 30:20 - Biblia Dc en Mixe de Quetzaltepec

²⁰ Yë Israel ja'ayëty nëjkxëp jyotkujkëtë tä ijty tëëyëpën; mëk nëjkx yë nyaax kyajpn y'itë ëjts nwintuuyës, ëjts kë'ëm ntëytyunäämpy mëti'ipë ëxëëk tuunëpën ets yaj'ëyoowëpën.

Biblia Mixe de Quetzaltepec

²⁰ Yë Israel ja'ayëty nëjkxëp jyotkujkëtë tä ijty tëëyëpën; mëk nëjkx yë nyaax kyajpn y'itë ëjts nwintuuyës, ëjts kë'ëm ntëytyunäämpy mëti'ipë ëxëëk tuunëpën ets yaj'ëyoowëpën.

Jeremias 30:20 ပူးပေါင်းရင်းမြစ်များ

Salmos 102:18

Wä'än ya'atë këxja'ay twë'ëmy, ets nijawëtëty yë ja'ay mëti'ipë juuky'atantëpnëm, ets jëtu'un tyajmëjnaxtëty yë Wintsën mëti'ipë mëxu'unk'atantëpnëm.

Salmos 102:28

Mmo'ojäämpy yë jotkujk'ajtën yë y'u'unkëty y'okëty mëti'ipë oy mmëtuunëpën, ets jam mwintum kë'ëm xytyimyaj'ita'any.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Lamentaciones 5:21

Wintsën, yajwinpijtëk ëëts jatëkok ma mijtsën, winpitantëp ëëtsëty. Mijts m'a'ixëp etsës ja njuukyajtënëty jëtu'un jatëkok y'awinpitëty tä ijty tëëyëpën.

Zacarías 10:6

Jëtu'un yë Wintsën y'ënä'äny: Ëjts nmëjaaw mo'ojäämpy yë Judá ja'ayëty ets nyajtso'oka'antës yë José y'u'unk y'okëty. Nwoownëjkxäämpyës jatëkok ma nyaax kyajpnëtyën, jä'ä ko npa'ëyoowtëpës yë'ëjëty. Jëtu'unës jatëkok nyaj'ita'antë tä jeexyë ka'ap nijëna'a të ntukjoot'anpëktënës, jä'ä ko ëjts Wintsën mëti'ipë Tios'ajtpën, nmëtoow'ijtypyës wi'ixës pën xymyëkäjpxyën.

Zacarías 10:8

Nëjkxëpës nyaxtsowtë ets nyajtu'ukmuka'antës, jä'ä ko ëjtsës të nyajtso'oktë. Nimay nëjkx y'itë tä ijty tëëyëpën.

Zacarías 8:5

Nëjkxëp ja pi'k ëna'këty y'ëyë'ëktë kyëyätë kajpnjoty.