Jeremias 3:16 - Biblia Dc en Mixe de Quetzaltepec

¹⁶ E ko ënety të mnimayëtë ets myäyëtë ja m'u'unk m'ëna'këty, ka'ap nëjkx ni pën t'ëkja'amyäjtsnë ja Wintsën ja kyaaxë mëti'ipë ja käjpxytyu'unën myë'ijtypyën, ni pën nëjkx tkamëmay tkamëtajy ets ni pën tkaja'amyätsa'any; jä'ä ko ka'ap nëjkx y'ëkopkpëky'ajnë. Ëjts Wintsën, ëjts ënaanp.

Biblia Mixe de Quetzaltepec

¹⁶ E ko ënäty të mnimayëtë ets myäyëtë ja m'u'unk m'ëna'këty, ka'ap nëjkx ni pën t'ëkja'amyäjtsnë ja Wintsën ja kyaaxë mëti'ipë ja käjpxytyu'unën myë'ijtypyën, ni pën nëjkx tkamëmay tkamëtajy ets ni pën tkaja'amyätsa'any; jä'ä ko ka'ap nëjkx y'ëkopkpëky'ajnë. Ëjts Wintsën, ëjts ënaanp.

Jeremias 3:16 ပူးပေါင်းရင်းမြစ်များ

Isaías 60:22

Ya'atë tyam tu'k'nuuky yaj'ixyën, mil'am y'awinpita'any; mëti'ipë tyam niwäänë yaj'ijxtëpën, mëj kajpn y'awinpita'antë. Ëjts jëtu'un Wintsënajtp, ëjts nyajkutukäämpy ets tsojk jëtu'un tyunëtëty jyatëtëty, ma ënety ja nyixëëw të tpaatyën.

Isaías 61:4

Nëjkxëp yajkoj'oyëtë ja tukpotsy, nëjkxëp yajkoj'oyëtë ja tuk tëjk, ets y'o'oyëtya'ajëty ja mëjëtypë naax kajpn mëti'ipë të kyutëkoytyën.

Isaías 65:17

Ëk'ixtë, ëjts nyajkojäämpyës yam jemypyë tsajp ets naaxwiinyëtë. Mëti'ipë të nyäxyën tëë ja kyixy ets ka'ap mëpaat y'ëkyajja'amyäjtsnë, ets ni pën nëjkx jëna'a tka'ëkjot'ajnë.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 30:19

Jap nëjkx ja'ay tkukajpxëtë tja'awëkyëta'aktë ets nëjkx xyi'iktë xyontë. Yë ja'ay niwäänëpë, ni'ikyës nyajnimayëja'antë. Ëjts ka'apës ni pën n'ixtija'any, ni'ikyës ntsoka'an njawëja'antë.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Jeremias 31:8

Nyajwinpitäämpyës jatëkok, ma yajpaatën tsumy matsy jam kajpntum anëkëjxmtsow, nyajtu'ukmujkta'ajäämpyës oy ënety jam muum jëkäm yajpaatë ma naaxwiinyëtë jyëjpkëxyën. Ko ënety wyimpitë, nëjkxëp pyaminëtë ja'ay mëti'ipë wiintsën, tekymya'atën, näjyëtu'un to'oxytyëjkëty mëti'ipë ënety u'unkpaataanpën, mëti'ipë tëë y'u'unkpaatën; yajxon yë ja'ay nëjkx nimay myintë.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Ezequiel 15:5

Ma të kyepy'ätyën ka'ap tii të wyä'äny, ni'ik ma të tyooytyaknën tii y'ëkwanëty.

Ezequiel 37:26

Ntunäämpyës tu'uk yë käjpxytyu'unën mëët yë'ëjëty jekpyë y'itëtyën, jëtu'un akujk jotkujk jyuuky'atëty. Nëjkxëpës nyajnimayëtë ets xëmëkyëjxm nëjkx yajja'amyetsy yë ntsajptëjkës ma yë'ëjëtyën.

Amós 9:9

Ni'ënä'ämëjäämpyës yë Israel ja'ayëty ets yaj'anaxtëty tä yë tsajpmok yaj'anaxyën axijtënjoty ets nitu'uk kyaka'ay yë tsajpmok naaxkëjxy.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënety mijts të xykyäjpxykyumëtoownaxyësën, jä'ä ko tëëjës ënety nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Mateo 1:11

Josías yë'ë teety'ajtë Jeconías mëët yë myëkä'äxtëjk ko ojts ja Israel ja'ay yajtsum yajmatstë ets yajmënëjkxtë Babilonyë.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.