Jeremias 29:32 - Biblia Dc en Mixe de Quetzaltepec

³² ëjts mëti'ipë Wintsën'ajtpën, jëtu'unës n'ëna'any: Ntëytyunäämpyës yë Semaías mëët tëkokyë yë y'u'unk y'ok, yë'ë ka'ap tmëët'ata'any yë y'u'unk y'ok ma naax kajpnën mëti'ipë nëjkx jotkujk jyuuky'atën, jä'ä ko wiinkjaty t'ënëmaay yë naax kajpn etsës xymyëtsiptso'ontë. Ëjts Wintsën, ëjts ënaanp.

Biblia Mixe de Quetzaltepec

³² ëjts mëti'ipë Wintsën'ajtpën, jëtu'unës n'ëna'any: Ntëytyunäämpyës yë Semaías mëët tëkokyë yë y'u'unk y'ok, yë'ë ka'ap tmëët'ata'any yë y'u'unk y'ok ma naax kajpnën mëti'ipë nëjkx jotkujk jyuuky'atën, jä'ä ko wiinkjaty t'ënëmaay yë naax kajpn etsës xymyëtsiptso'ontë. Ëjts Wintsën, ëjts ënaanp.

Jeremias 29:32 ပူးပေါင်းရင်းမြစ်များ

1 Reyes 13:18

E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënety,

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Isaías 14:20

Mijts ka'ap nëjkx mnaaxtëkë tä wiinkëtypë yajkutujkpë të nyaaxtëkëtën, jä'ä ko mijts xit ko'ow ojts mnaax mkajpn xytyuny, je'eyë mmëkunaax mmëkukajpn të xyaj'ooky të xyajtëkoy. Ja y'u'unk y'ok ja ja'ay mëti'ipë ëxëëk të y'ëti'itsy të y'ënä'änyën ka'ap nëjkx jeky jyuuky'äty.

Isaías 14:22

Jëtu'un ja Wintsën mëti'ipë maaytyääyëpën winë y'ënä'äny: Tsiptunaanpës yam mëët yë'ëjëty, ja Babilonyë ja xyëëw ka'ap nijëna'a y'ëkyajja'amyäjtsnëty, yë'ëpaat ja ja'ayëty ets ja y'u'unk y'ëna'këty ka'ap nëjkx nimaa y'ëkyajnija'awënëtë.

Jeremias 17:6

Jëtu'un jyata'any jëtu'unpë ja'ay tä yë kepyën mëti'ipë yoonpën të'ëts itjoty, ka'apë ni pën tkëwent'atyën, mëti'ipë tsaajoty yoonë'kpën ma ta'amts naaxën ets ma ka'ap nitii jyuuky'ätyën.

Jeremias 20:6

E mijts Pashur, nëjkxëp myajmënëjkxy tsumy matsy jam Babilonyë, mëët yë m'u'unk m'ëna'k m'u'unk mto'oxytyëjk. Jam nëjkx mnaaxtëkë mëët ja mja'ay mëti'ipë mëët oy të mnäjyawëtyën ets mëti'ipë të xywyin'ëënyën mëët ja tëkatsypë ja käjpxynyajxën.

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

Jeremias 29:24

Ojts yë Wintsën tuknipëky yë Jeremías ets t'ënëëmëty yë Semaías mëti'ipë Nehalam kukajpn'ajtpën:

Jeremias 30:1

Ya'atë jëtu'un aaw'ajtp ayuk'ajtp mëti'ipë Wintsën tyukmëtoowën yë Jeremías. Jëtu'un t'ënëmaay:

Jeremias 35:19

Ëjts Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, tyam n'ënëëmëtë ko ka'ap tyëkoy'ata'any yë Jonadab yë y'u'unk y'ok mëti'ipë ëjts xëmë xymyëtuntëpën.

Jeremias 36:31

e mijts mëët yë mwintsëntëjk ntukumëtowantëp wi'ix të m'ëtë'ëtstën. Nyajminäämpyës yë ëyo'on jotmay ma miitsëtyën tëkokyë mëti'ipës të nikäjpxyën ma Jerusalén ja'ayëtyën ets ma Judá ja'ayëtyën, mëët ko ka'ap të mkäjpxyjyä'äkyukëtë.

Ezequiel 20:38

Nyajjëwa'akäämpyës ma miitsëtyën yë käjpxy kumëtoownajxpë ets mëti'ipë ëxëëk ëtëtstëpën ets nyajtso'onta'aja'anyës ma yajpaatën wiink naax wiink kajpn ma tyam tsyëënëtën; je'eyëp ko yë'ëjëty ka'ap tyëkëja'antë ma Israel yë nyaaxjotmën. Ënet xynyijawëtëty ko ëjts Wintsën.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.