Jeremias 29:16 - Biblia Dc en Mixe de Quetzaltepec

¹⁶ Yë Wintsën jëtu'un të tnikäjpxy yë yajkutujkpë mëti'ipë jam ënä'ämpën ma David yë kyutujktaknën ets ja'ayëty mëti'ipë yaa kunaax'ajt kukajpnajtëpën, miits yë mmëku'ukëty mëti'ipë ojts ka'ap yajmënëjkxtën tsumy matsy mëët miitsëty:

Biblia Mixe de Quetzaltepec

¹⁶ Yë Wintsën jëtu'un të tnikäjpxy yë yajkutujkpë mëti'ipë jam ënä'ämpën ma David yë kyutujktaknën ets ja'ayëty mëti'ipë yaa kunaax'ajt kukajpnajtëpën, miits yë mmëku'ukëty mëti'ipë ojts ka'ap yajmënëjkxtën tsumy matsy mëët miitsëty:

Jeremias 29:16 ပူးပေါင်းရင်းမြစ်များ

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Jeremias 29:3

Ya'atë noky yë'ë ojts tmënëjkxy yë Elasá, yë Safán yë myaank ets Guemarías, yë Hilquías yë myaank, mëti'ipë ja Judá yajkutujkpë kyäjxën jam Babilonyë ets nëjkx jam nyäwya'këxë'ëkëtë ma ja Nabucodonosor yajkutujkpën. Ja noky jëtu'un y'ënä'äny:

Jeremias 24:2

Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

2 Crónicas 36:11

Sedequia I'px tu'uk ënety jyëmëjt ko tyëjkëy yajkutujkpë, majktu'uk jëmëjt ojts yajkutuky jam Jerusalén.

Jeremias 24:8

E yë Sedequías mëti'ipë jam Judá yajkutujkpën ets kopktëjkëty ets tëkokyë Jerusalén ja'ayëty mëti'ipë ojts wyë'ëmtën kajpnjotm ëkë mëti'ipë ojts nyëjkxtën jap Egiptë tsënääpyë, jëtu'unës njawëja'antë tä ja higo tëëmën mëti'ipë ma'atëtyën, mëti'ipë ka'ap tjëkyepyën wi'ix yajë'kxëty.