Jeremias 29:13 - Biblia Dc en Mixe de Quetzaltepec

¹³ Koos nëjkx xy'ixta'atë, nëjkxëpës xypyaatë, jä'ä ko winë aaw winëjotës nëjkx xy'ixta'atë.

Biblia Mixe de Quetzaltepec

¹³ Koos nëjkx xy'ixta'atë, nëjkxëpës xypyaatë, jä'ä ko winë aaw winëjotës nëjkx xy'ixta'atë.

Jeremias 29:13 ပူးပေါင်းရင်းမြစ်များ

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

1 Crónicas 22:19

E tyam yë'ë ënät mtuntëp, tu'ukyë ja mwinma'any xypyëjkta'aktëty ma Wintsënën, mëti'ipë m'ëwtatëpën. Tuknipëjktaakëtë yajxon ets xykyojtëty ja Wintsën ja tsyajpjëën tsyajptëjk ets jëtu'un yajmëminëty ja kyaaxë ets ja apëjk atu'unën mëti'ipë ëmaayëtyën ma Wintsën ja tyëjkën ets jap yajpëjkta'akëty ma ja mëti'ipë yajkojaanpën.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 22:9

Ënet ni'ënä'ämëy ets nëjkx tyajtsoontë ja Ocozías jam Samaria ma ënety jam të nyäyu'utsyën, jam tmajtstë ets tuknimiintë ja Jehú, tääts tyaj'o'ktë. Je'eyëp ko tyajnaaxtëjkëtyë jyä'ämyäjtstë ko jä'ä Josafat ja myaank, mëti'ipë ënety oy ja Wintsën të tmëtunyën. Jëtu'un'äämpy ojts ka'ap nitu'uk Ocozías jyä'äy wyi'imy mëti'ipë jeexyë jatëkok nyiwä'kpyën ja kutujktakn.

2 Crónicas 31:21

Tëkokyë mëti'ipë tyuknipëjktakëyën, wä'än yë'ëjëty ja tuunk japë tsajptëkotyën ets wä'än yë'ëjëty ma yajpatuna'anyën ja Wintsën ja tyiyajtën, yë'ëkyëjxm tuuny ets tmëjjawëja'any ja Wintsën ja xyëëw.

Salmos 119:10

Tyam mijts wine'aaw winëjot n'ixta'ay; këtii xyajkutukëty nijëna'a etsës yë mtëyajtën jëpëky jëtuny nyaj'itëty.

Salmos 119:145

Wintsën, mijts nmëkäjpxyp winë aaw winëjot; ëtsoowkës, yë m'ënä'ämën mtëyajtën npatunäämpyës.

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

Salmos 119:58

Winë aaw winëjotës n'ëna'any koos ntuna'any mëti'ipë m'oyjya'apën; jëtu'unës jotkujk yaj'ijtk ijxtëmës të xytyukwinwanën.

Salmos 119:69

Yë ëxëëkja'aytyëjkëty ëxëëkjatyës xynyikajpx xynyimëtya'aktë, e ëjts ntukxoontäkpyës yë m'ijxpëjkën.

Salmos 145:18

Yë Wintsën winkon yajpaaty ma ja'ayën mëti'ipë mëkajpxëpën, mëti'ipë mëkajpxëpën winë aaw winëjot.

Salmos 32:6

Paaty ko ënety jyääjëty yë monyëtukyë, yë wa'ats ja'aytyëjkëty jää mëkajpxa'anëtë, e oyts ënety jënu'un yë nëë jyanëje'etsy jyayujkje'etsy ka'ap nëjkx jam jyä'ty ma yë'ëjëtyën.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Jeremias 50:4

Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Dios mëti'ipë Wyintsën'ajtëpën.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Mateo 7:7

Amëtowtë ets myajmo'otëty; ixta'atë ets xypyaatëty; pijkxnoktë ja tëjk'aaw ets m'ëwatsxëtëty.

Hechos 8:36

Jëtu'un tyu'uye'eytyë, ënät ja nëë tpatë ets ja Etiopíë ja'ay y'ënäny: Tyaa nëë, ¿ka'ap jëtää y'oyëty koos nnëëpätëtyë?