Jeremias 29:10 - Biblia Dc en Mixe de Quetzaltepec

¹⁰ Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Biblia Mixe de Quetzaltepec

¹⁰ Jëtu'un yë Wintsën y'ënä'äny: Ko ënäty yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Jeremias 29:10 ပူးပေါင်းရင်းမြစ်များ

2 Crónicas 36:21

ets y'atëwëty ja aaw ayuk mëti'ipë ja Jeremías, Dios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

2 Crónicas 36:22

Ma ja Ciro yajkutukyën, mëti'ipë jam ënä'ämpën Persië ets y'atëwëty ja Wintsën ja y'aaw y'ayuk mëti'ipë ja Dios mëtuunpë Jeremías ojts tnikäjpxyën, Wintsën kë'ëm tyuktëjkëy ja Ciro ets ja ënä'ämën tpëjkta'akëty maajaty ja naax kajpnën, aawkëjxm ets këxja'ay, mëti'ipë ënaanpën:

Esdras 1:1

Ma ja Ciro mëtu'uk jëmëjt ëka'any y'ëne'emyën, jampë yajkutukyën Persië, jää ojts ja Wintsën ja y'aaw y'ayuk y'atëy; mëti'ipë ja Jeremías ojts tnikäjpxyën, Wintsën ojts kë'ëm t'ënëëmë yë Ciro ets tkajpxwa'kxëty ja aaw ayuk kajpn apëtsëmy, mëti'ipë ënaanpën:

Esdras 1:2

Jëtu'un ja Ciro y'ënä'äny mëti'ipë yajkutujkpën jam Persië: Yë Wintsën, mëti'ipë ijtpën tsajpjotm yë'ë ojts t'ëwa'atsy etsës ëjts njä'ä'atëty ja kutujktakn naaxwiinyëtë apëtsëmy e yë'ëtsës të xytyuk'ëne'emy etsës nkojëty tu'uk Tsyajptëjk jam Jerusalén, ma Judá y'itjotmën.

Salmos 102:14

Yë mtuunpëtëjk janty'oy nyäyjyawëtë ko t'ixtë ja tsaapotsy, e tyam je'eyë tjaakpa'ëyowtë ko t'ijxnëtë kujy ka'atsy ja tsaanë.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.

Jeremias 25:12

Ko ënety kyä'pxy tëkë'px majk jëmëjt, jääjës yë Babilonyë yajkutujkpë yë nyaax kyajpn mpatëkëjanë yë tyëko'oyën, yë Caldeo ja'ayëty wa'atsës mpaye'eyä'äny yë nyëë pyoky ets nëjkxëpës xëmëkyëjxm nyajkutëkoy. Ëjts Wintsën, ëjts ënaanp.

Jeremias 27:22

Yajmënëjkxta'ajantëp jam Babilonyë ets jeky jam y'ita'any, koonëmës ëjts ntuknipëjktaakëty jëna'a jatëkok wyimpitëty ma të yajmutsoonyën. Ëjts Wintsën, ëjts ënaanp.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Jeremias 29:28

Yë'ëpaat ojts tu'uk yë noky xytyunikäjxëmë jam Babilonyë, ma y'ënä'änyën: Miitsëty jeky jam m'ita'antë Babilonyë tsumy matsy, paaty nikë tim kojtë jam yë mjëën mtëjkëty ets yajxon mtimtsyënaaytyaknpëktëty, kojtë päntë yë aay kepy aay ujts ets xyjyë'kxtëty xypyëktëty.

Jeremias 29:32

ëjts mëti'ipë Wintsën'ajtpën, jëtu'unës n'ëna'any: Ntëytyunäämpyës yë Semaías mëët tëkokyë yë y'u'unk y'ok, yë'ë ka'ap tmëët'ata'any yë y'u'unk y'ok ma naax kajpnën mëti'ipë nëjkx jotkujk jyuuky'atën, jä'ä ko wiinkjaty t'ënëmaay yë naax kajpn etsës xymyëtsiptso'ontë. Ëjts Wintsën, ëjts ënaanp.

Jeremias 30:3

jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Jeremias 33:14

Jëtu'un yë Wintsën y'ënä'äny: Pyatäämpy yë xëëw po'o maas nyajkëta'aka'anyën ja kënu'kxën jëtu'un ijxtëmës ojts ntukwinwanëtën yë Israel ja'ayëty ets Judá ja'ayëty.

Ezequiel 11:17

Näyjyëtu'un ënëëmë: Jëtu'un yë Wintsën y'ënä'äny: Ëjts jatëkok nyajtsoonäämpy ma tääpë naax kajpnëtyën ma yajpaatën tsumy matsy, nyajtu'ukmukäämpyës jatëkok etsës nmo'oja'antë ja Israel naaxwiinyëtë.

Daniel 9:2

Ma ënety mëtu'uk jëmëjt yajkutukyën, ëjts Daniel, yë'ëjës ënety jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënety ja Wintsën jëtu'un të y'ënë'ëmxëtën.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Zacarías 1:12

Ënet ja Wintsën ja tyäjpjotmëtë kukäjpxy y'ënäny: Wintsën mëti'ipë maaytyääyëpën winë, tëkë'px majk jëmëjt tyam nyëjkxnë ma mijts xymyëtsipë'atyën yë Jerusalén kajpn ets tëkokyë yë Judá kajpn. ¿Jënaak jëmëjt jyaak naxa'any etsës xymyëët'atëty ja pa'ëyo'ow mnajts'ëyo'owën?

Zacarías 7:5

Ënëmaaytya'a yë ja'ay mëti'ipë yajpatëpën ma naax kajpnën ets teetytyëjkëty: Miitsëty m'ayuu'ajtëp ets mmoontëp mtujktëp xëmë ko myëkoxk po'opety tu'ukpë jëmëjt ets ko wyëxtujk po'opety, tëëyëp jëtu'unpë xyajtso'onta'aktë, tëkë'px majk yë jëmëjt, je'eyëp ko ka'ap yë'ëkyëjxmëty m'ayuu'atë ets mmontë mtuktë koos xymyëjjawëtë,

Rut 1:6

Kom ok ja Noemi ojts nijawë jam Moab, ko ma ja kyajpnën tëë ënety ja yuu xëëw nyajxnë.