Jeremias 28:6 - Biblia Dc en Mixe de Quetzaltepec

⁶ Oy jëtu'un tä m'ëna'anyën jääpëk yë Wintsën t'ëktuny, oy'ajtp jeexyë ko wyimpitëty yë apëjk atu'unën mëti'ipë jap tsajptëkoty pëtsëëmën ets näjyëtu'un wyimpijta'atëty yë ja'ayëty mëti'ipë ojts tsumy matsy yajmënëjkxtën jam Babilonyë.

Biblia Mixe de Quetzaltepec

⁶ Oy jëtu'un tä m'ëna'anyën jääpëk yë Wintsën t'ëktuny, oy'ajtp jeexyë ko wyimpitëty yë apëjk atu'unën mëti'ipë jap tsajptëkoty pëtsëëmën ets näjyëtu'un wyimpijta'atëty yë ja'ayëty mëti'ipë ojts tsumy matsy yajmënëjkxtën jam Babilonyë.

Jeremias 28:6 ပူးပေါင်းရင်းမြစ်များ

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

1 Reyes 1:36

Tä ja Benaías, ja Joiadá ja myaank t'ëtsooy ja yajkutujkpë: Oy jyëtu'un'atëty, pën jëtu'un ja Wintsën të tni'ënä'ämë, mëti'ipë mijts yajkutujkpë m'ëwtajtypyën.

Jeremias 11:5

Koos xymyëmëtowtëty, ëjts ntunäämpyës tu'kë'ëyë mëti'ipës ojts ja m'ap m'ok ntukwinwanëtën, koos n'ënëmaaytyë nmo'oja'antës tu'uk ja it naaxwiinyëtë ma ja tsi'tsknëë ets uuxpa'ak pyëyi'ikyën tä nëëjën, ijxtëm tyam xymyëët'atën. Ets ojts n'ëtsoyës ja Wintsën, oy'atëp.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Dios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Dios yë xyëëw nyaxëty.

Apocalipsis 5:14

Ets ja nimajktaxkpë juuky'ajtpë y'ëtsoowtë: Tëy jëtu'un. Tääts ja i'px taxkpë mëjja'aytyëjk nyäkyoxtënaaytyakëtë ets twintsë'këtyë ets t'ëwtajtë.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

2 Corintios 1:20

ma yë'ë tëë tyuunta'ay jyajta'ayë mëti'ipë ja Dios wyaantakën. Paaty ko ja Dios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Jeremias 28:3

Kommäjtsk jëmëjt nyajmina'anyës jatëkok yë apëjk atu'unën mëti'ipë yë Nabucodonosor ojts jap tsajptëkoty tmëpëtsëmyën ets ojts tmënëjkxy jam Babilonyë.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Jeremias 17:16

E ëjts, ka'apës nëkoo mijts nyajjotkëxy ets ëyo'on jotmay tpaatëty ets nkatsojkpyës ëxëëk jyatëty kyëpätëty. Mijts wa'ats xynyijawë wi'ixës të n'ëna'anyën jä'ä ko mijts mwintuuy nkajpxpëtsëëmyës.

Salmos 106:48

Kënu'kxy yë Wintsën yë xyëëw y'itëty, mëti'ipë yë Israel ja'ay Tyios'ajtëpën xëmëkyëjxm. Wä'än ni'ëmukë t'ënaanta'atë: Oy'atëp jëtu'un. Tukxoontä'äky mëjjawë Dios yë xyëëw nyaxëty.

Salmos 89:52

Kënu'kxy mëjjawë yë Wintsën xëmë y'itëty. Jëtu'un, jëtu'un y'itëty.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

Zacarías 6:10

Mijts yajmuk yë ayajk ako'onën ma ja'ayëtyën mëti'ipë të tsyoontën jam Babilonyë ma ënety tsumy matsy yajpaatën: Yë'ë yaj'antijtëp yë Heldai, Tobías ets Jedaías. Näy jä'ä xëëw jam mnëjkxëty ma Josías yë tyëjkën, yë Sofonías yë myaank.