Jeremias 27:6 - Biblia Dc en Mixe de Quetzaltepec

⁶ E yë ntuunpës Nabucodonosor, mëti'ipë jam Babilonyë ënä'ämpën, tëëjës ntukë'ëtëjkëtyä'äy tu'kë'ëyë naax kajpn ets aayjëyujk ujtsjëyujk ëwa'anëtypë.

Biblia Mixe de Quetzaltepec

⁶ E yë ntuunpës Nabucodonosor, mëti'ipë jam Babilonyë ënä'ämpën, tëëjës ntukë'ëtëjkëtyä'äy tu'kë'ëyë naax kajpn ets aayjëyujk ujtsjëyujk ëwa'anëtypë.

Jeremias 27:6 ပူးပေါင်းရင်းမြစ်များ

2 Reyes 25:28

oy tsyojkë y'oyjya'awëyë, këtiinëm jyëtu'unëty ja wiinkëtypë ja yajkutujkpëtëjk mëti'ipë ënety jam mëët Babilonyë yajpaatyën.

2 Crónicas 36:23

Ciro, Persië yajkutujkpë, jëtu'un tnikäjpxy: Yë Wintsën mëti'ipë jam ijtpën tsajpjotm, tëëjës ja naax kajpn xymyooytyä'äy, yaa naaxwiiny etsës të xytyuknipëky nkojëty tu'uk ja tsajptëjk jam Jerusalén, ma Judá y'itjotmën. E paaty miitsëty n'ënëëmëtë pën tyuk'ijtëp jëtu'unpë ja naax kajpn, mëti'ipë ja Wintsën kyajpn'ajtypyën, Wintsën mputëkëtëp ets nëjkxtë jam.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënety juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 22:25

ets nkë'ëyaka'any ma mmëtsipën mëti'ipë ooky m'ixanëpën ets mëti'ipë ëxëëkëm xytsyë'ëkën. Yë'ë ntukë'ëtëkëjäämpy yë Nabucodonosor, mëti'ipë jam ënä'ämp yajkutujkpën Babilonyë, ma Caldeo ja'ayëtyën.

Jeremias 24:1

Tëë ënety yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 28:14

Jä'ä ko ëjts mëti'ipë Wintsën'ajtpën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ënä'äny: Tëës yë naax kajpn ntukutsuumta'ay yë tsajpkaakukë'ë mëti'ipë aak juunpujxnën ets tmëtuntëty ja Nabucodonosor yajkutujkpë mëti'ipë jam Babilonyë ënä'ämpën. Yë'ëpaat yë jëyujk mëti'ipë ëwa'anëtyën tëëjës ntukë'ëtëjkëtyä'äyës.

Jeremias 43:10

ets xy'ënëëmëtëty: Yë Wintsën, mëti'ipë maaytyääyëtëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Yë'ëjës nyajminäämpy yë ntuunpës Babilonyë yajkutujkpën ets y'ënä'ämtakn npëjkta'akanës ma yaa tsaa nitajy y'ityën.

Jeremias 49:30

Pëtsëmtë pëyi'ikyë Hasor ja'ayëty. Nëjkx mnäyu'utsëtë. Ëjts Wintsën, ëjts ënaanp. Yë Nabucodonosor, Babilonyë yajkutujkpë, tëë tuknipëjktaakë ko myajkutëkoya'anëtë.

Ezequiel 29:12

Mijts Egiptë, wëxtyikxy jëmëjt nyaj'ita'any tukwa'ats ets axit ako'owë; o'ktëy ni'ik ntuna'any këtiinëm jyëtu'unëty ja wiinkëtypë ja naax kajpn mëti'ipë o'ktëy të jyatën, jëtu'unyës yë mja'ay nyaj'ayo'oyëtya'aja'any ma wiinkëtypë naax kajpnën.

Ezequiel 30:24

Etsës yë Babilonyë yajkutujkpë ni'ikyë njotmëkmo'oja'any, etsës yë'ë ntukë'ëtëkëja'any yë ntëypyujxnës. Ntëjjänëpës yë faraón yë kyë'ë mäjtskëty ets ko ënety ja myëtsip të yajtsëtyutyë ëxëëk tjawëja'any ja tsyëtyut.

Daniel 4:12

Oy jyänty yaj'ixy ja y'ääy ets nëkooyë myäy'ajnë, jyëkyejpy ja aayjëyujk ujtsjëyujk jam jyi'kxypyata'atëty. Jam ja jëyujk tpa'tma'a tpa'tpo'kxtë ma nyinikën, ja joon jëyujkëty jëtu'un ja pyä'än jam tjanty y'oytyuntë ma ja kepyxye'entyën ets aak ja yaj'ixy jyi'kxypyata'atëty tëkokyë jënu'un winë jyuuky'ätyën.

Daniel 4:22

tääpë kepy mijts yë'ë yajkutujkpë, mëti'ipë të yeekyën ets mëk të mëj'äämpy të m'awinpity. Yë mkutujkën tëë yajxon myëjë kyëjääjë jëtu'un tä jeexyë jampaat jyä'tyën tsajpjotm ets m'ënä'ämën tëë jya'ajta'ay naaxwiinyëtë apëtsëmy.