Jeremias 27:22 - Biblia Dc en Mixe de Quetzaltepec

²² Yajmënëjkxta'ajantëp jam Babilonyë ets jeky jam y'ita'any, koonëmës ëjts ntuknipëjktaakëty jëna'a jatëkok wyimpitëty ma të yajmutsoonyën. Ëjts Wintsën, ëjts ënaanp.

Biblia Mixe de Quetzaltepec

²² Yajmënëjkxta'ajantëp jam Babilonyë ets jeky jam y'ita'any, koonëmës ëjts ntuknipëjktaakëty jëna'a jatëkok wyimpitëty ma të yajmutsoonyën. Ëjts Wintsën, ëjts ënaanp.

Jeremias 27:22 ပူးပေါင်းရင်းမြစ်များ

2 Reyes 25:13

Ja caldeo ja'ayëty piw nuuk tuuntaaytyë winëjaty mëti'ipë ënety aak pujxnën, japë y'ityën tsajptëkoty: Tä ja xenyën, potsy'ëjxën ets ma ja nëë y'ityën, wa'ats tyajnëjkxtaaytyë jam Babilonyë.

2 Crónicas 36:21

ets y'atëwëty ja aaw ayuk mëti'ipë ja Jeremías, Dios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

Esdras 1:11

Aakyë'ë myënëjkxtaay yë Sesbasar, ko wyinpijnëtë jam Jerusalén, ma tsyo'ontën jam Babilonyë, ko ojts yaj'ëxmajtsnëtë.

Esdras 7:19

Yi'iyë tëy yë apëjk atu'unën mëti'ipë yam myajtukë'ëtëkëpën jam xykyë'ëyakëty ma ja tsajptëjkën, kë'ëm xymyo'ojëty yë mWintsën Dios mëti'ipë jam Jerusalén yajpatpën.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Jeremias 20:5

Yë mëtsip yë'ë nëjkx nkë'ëmooytyä'äyës tëkokyë wit meeny mëti'ipë yaajën naaxjoty kajpnjoty, tëkokyë ja naax kam, wit tujkxy ets apëjk atu'unën mëti'ipë tsowëtyën; mëtsip nëjkx tjä'ä'ajta'ay ja wit meeny mëti'ipë ja Judá yajkutujkpë të tnipëjkpetyën, tëkokyë aak Babilonyë nëjkx yajmënëjkxta'ay.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Jeremias 29:10

Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Jeremias 32:5

Yë Nabucodonosor jam yë Sedequías tyajnëjkxa'any Babilonyë, jeky jam tyaj'ita'any koonëmës jatëkok nwinpitëty. Oy miits jënu'un xyjyanipëtë'ëktëty yë Caldeo ja'ayëty, ka'ap myajmëta'aka'anëtë. Ëjts Wintsën, ëjts ënaanp.

Jeremias 34:2

Ëjts, mëti'ipë Wintsën'ajtpën, mëti'ipë yë Israel ja'ayëty Tyios'ajtëpën, mijts ntuknipëjkpy ets nëjkx xy'ënëëmë yë Sedequías yajkutujkpë, mëti'ipë jam Judá ënä'ämpën: Jëtu'un yë Wintsën y'ënä'äny: Ëjts nyajkutukäämpy ets Babilonyë yajkutujkpë myinëty ma mnaax mkajpnën ets tjëënmo'ojëty yë mkajpn.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Jeremias 34:5

Jotkujk nëjkx m'ooky, myajtukwintoyaanp yë tsooy mëti'ipë pa'akxu'kpën jëtu'un tä yajtukwintooytyën yë m'ap m'ok mëti'ipë ojts y'ënä'ämtën yajkutuktën ma ënety mijts ka'ap m'ëne'emnyëmën; nëjkxëp ja'ay y'ëna'antë: Aay wintsën, nëjkxëp myajnimony myajnituky. Ëjts Wintsën, ëjts ënaanp.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Daniel 9:2

Ma ënety mëtu'uk jëmëjt yajkutukyën, ëjts Daniel, yë'ëjës ënety jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënety ja Wintsën jëtu'un të y'ënë'ëmxëtën.