Jeremias 27:18 - Biblia Dc en Mixe de Quetzaltepec

¹⁸ Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Biblia Mixe de Quetzaltepec

¹⁸ Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Jeremias 27:18 ပူးပေါင်းရင်းမြစ်များ

Génesis 20:17

Ënet yë Abraham ojts yë Dios tmënu'kxtä'äky, tä ja Dios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

1 Reyes 18:24

Ënet miitsëty xymyëpëjktsowtëty ja mwintsënëty, ëjts nän tyamës ja nWintsën nmëpëjktsoowpëty, ja Wintsën mëti'ipë ënety kyukäjxnajxypyën ja jëën yë'ë jëtu'un ënety janty mëtëy. Tääpë winma'any oy yë'ë. Jëtu'un y'ëtsoowtë ja kunaax kukajpnëty.

1 Reyes 18:26

Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

2 Crónicas 32:20

Paaty ja Ezequías ets ja Jeséas, yë Amós myaank, tyëjkëtyë kajpxtakpë ma Wintsënën ets putëjkën t'amëtoowtë.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Jeremias 7:16

Mijts, Jeremías, këtii xykyukajpxta'akëty ya'atë naax kajpn, këtiis xymyënu'kxta'akëty mëët ya'atë naax kajpn. Këtii nëkoo mnäjyotmaytyunyë jä'ä ko ka'apës nmëtoow'ita'any wi'ix m'ëna'anyën.

Ezequiel 14:14

E ma tääpë kajpnën ko jeexyë jam y'ëkmintë Noé, Daniel ets Job, yi'iyë jeexyë nitëkëëk tsoktëp jä'ä ko mëtëy yë të jyuuky'atë. Ëjts Wintsën, ëjts ënaanp.

Ezequiel 22:30

Ëjts tëëjës ja ja'ay n'ixta'ay ma tääpë naax kajpnën mëti'ipë jeexyë ja kajpn pya'ëyoopyën ets jeexyë tnikajpxtu'uty ma ëjtsën këtiipës nyajkutëkoyëty, je'eyëp ko ka'ap të npaatyës.

Malaquías 1:9

Miitsëty jyëkyejpy xy'amëtowtëty yë Dios yë pa'ëyo'owën najts'ëyo'owën. Je'eyëp tëy ko jëtu'unpë wintsë'kën xymyo'ojantëpëty ka'ap nëjkx tkupëky ets ka'ap nëjkx myaj'ëxajëtë oy. Yë Wintsën mëti'ipë maaytyääyëpën winë, jëtu'un y'ënä'äny:

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

1 Samuel 7:8

Tä ja Samuel t'ënëmaaytyë: Këtii m'ëmony, mënu'kxta'ak yë Wintsën mëti'ipës nTios'ajtëpën ets wä'än xykyuwa'antës ets wä'än xyajtso'oktës ma tääpë filistejë ja'ayëtyën.