Jeremias 27:15 - Biblia Dc en Mixe de Quetzaltepec

¹⁵ Yë Wintsën jëtu'un y'ënä'äny ko ka'ap yë'ëjëty të kyäxëtë; nëkoopë y'anta'aktë ko tii tkajpxtë ëjts nxëëwkyëjxmës. Miitsëty tsumy matsy je'eyëm myajmënëjkxa'antë wiink naax wiink kajpn mëët ja käjpxynyajxpëtëjkëty mëti'ipë nëkoo ëxaty të m'ënë'ëmxëtën ets jam nëjkx m'ooktë.

Biblia Mixe de Quetzaltepec

¹⁵ Yë Wintsën jëtu'un y'ënä'äny ko ka'ap yë'ëjëty të kyäxëtë; nëkoopë y'anta'aktë ko tii tkajpxtë ëjts nxëëwkyëjxmës. Miitsëty tsumy matsy je'eyëm myajmënëjkxa'antë wiink naax wiink kajpn mëët ja käjpxynyajxpëtëjkëty mëti'ipë nëkoo ëxaty të m'ënë'ëmxëtën ets jam nëjkx m'ooktë.

Jeremias 27:15 ပူးပေါင်းရင်းမြစ်များ

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

Jeremias 20:6

E mijts Pashur, nëjkxëp myajmënëjkxy tsumy matsy jam Babilonyë, mëët yë m'u'unk m'ëna'k m'u'unk mto'oxytyëjk. Jam nëjkx mnaaxtëkë mëët ja mja'ay mëti'ipë mëët oy të mnäjyawëtyën ets mëti'ipë të xywyin'ëënyën mëët ja tëkatsypë ja käjpxynyajxën.

Jeremias 23:15

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ënëëmë ja käjpxynyajxpëtëjkëty: Yë ntukkayantëp mëti'ipë ta'amën; yë'ë ntuk'uukantëp mëti'ipë yaj'o'kpën, jä'ä ko mëët yë'ëkyëjxm ko yë käjpxynyajxpëtëjk të pyokytyuntë, tëë ja nëë poky kyëjääjë ma tu'kë'ëyë naax kajpnën.

Jeremias 23:21

Ka'ap y'ëjtsëty nkejxy tääpë käjpxynyajxpëtëjkëty ets ka'ap mëët nijëna'a të nxony të n'ityës, yë'ëjëty pëyi'ikyë tsyo'ontë ets ojts yë nxëëwës tnikäjpxy tnimëtya'aktë.

Jeremias 23:25

Tëës nmëtoow'ity wi'ix yë käjpxynyajxpëtëjk y'anta'aktën ko y'ëna'antë tëë myëtya'aktë mëët ëjts ets kuma'ayjyotyës të xywin'ixtë.

Jeremias 27:10

Ijxtëm mja'ënë'ëmxëtën nëkoo je'eyë mwin'ëënëtë, je'eyëm nëjkx tsumy matsy myajmënëjkxtë wiink naax wiink kajpn ets xit ko'ow ntuunta'aja'antës ets jam m'ooktëty muum.

Jeremias 29:8

Ëjts Wintsën mëti'ipë maaytyääyëpën winë, yë Israel ja'ay Tyiosëty, ëjts ënaanp: Këtii mnätyukwin'ëënëtëty yë ja'ay mëti'ipë nätyijëtëpën najtsja'apë ets käjpxynyajxpë, mëti'ipë jam yajpatëpën ma miitsëtyën; këtii xymyëpëktëty yë kyëma'ayëty mëti'ipë nyimëtyaktëpën.

Jeremias 29:9

Mëti'ipë yë'ëjëty nyikajpxtëpën ëjts nxëëwkyëjxmës ka'ap tyiyajtënëty. Ka'ap y'ëjtsëty të nkexy. Ëjts Wintsën, ëjts ënaanp.

Jeremias 38:22

tu'kë'ëyë ja to'oxytyëjktëjkëty mëti'ipë ënety të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënety mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.