Jeremias 26:21 - Biblia Dc en Mixe de Quetzaltepec

²¹ Yë Joaquim yajkutujkpë mëët yë wyintsëntëjk ets kyutuunktëjk ojts tmëtoow'itë ja aaw ayuk ets ja yajkutujkpë ojts jya'ëna'any tyaj'ooka'any. E ko yë Urías tnija'awëy, ojts ënätyë kye'eky ets ojts jap nyijkxy Egiptë.

Biblia Mixe de Quetzaltepec

²¹ Yë Joaquim yajkutujkpë mëët yë wyintsëntëjk ets kyutuunktëjk ojts tmëtoow'itë ja aaw ayuk ets ja yajkutujkpë ojts jya'ëna'any tyaj'ooka'any. E ko yë Urías tnija'awëy, ojts ënätyë kye'eky ets ojts jap nyijkxy Egiptë.

Jeremias 26:21 ပူးပေါင်းရင်းမြစ်များ

1 Reyes 18:10

Ëjts tyamës ntukajpxpety yë mWintsën yë xyëëw, ko tää yajxon mjanty yaj'ixta'ay ets myaj'ooka'anyë, tëë yajtukjëtijtëtyä'äy yë naax kajpn, ko pën y'ënä'äny ko ka'ap maa Ahab kanaak'ok tuknikäjpxy yë ja'ay ko ka'ap maa pën të mpaatyë.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

2 Crónicas 24:21

E ja ja'ayëty wiink tja'akyujkëtë, paaty ojts nyäkyajpxëtë ets jäpyë tsajptëkoty tyaj'o'ktë, ja yajkutujkpë Joás yë'ë ojts kë'ëm tni'ënä'ämë.

Salmos 119:109

Ëjts janty o'kën jëjp'amës xëmë nyajpaaty, je'eyëp ko ka'ap nja'atyëkoyës yë m'ijxpëjkën.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Dios tyuk'ijxpejtypyën, Dios këwent'atanëp.

Jeremias 26:10

Ja kopktëjkëty mëti'ipë jam Judá mëj'äämpy ijtëpën, ko tnija'awëtyë wi'ix jam jyäty kyëpetyën, ënätyë jam tsyo'ontë ma ja kutujkëntëjkën, ma ja yajkutujkpë y'ëne'emyën ets ojts nyëjkxtë ma tsajptëjkën. Jam nyaaxwä'tstë ma ja Jempyë Tëjk Aawën.

Jeremias 36:26

ni'ikyë ojts tni'ënä'ämë ets ja Jeremías ets ja jyääpyë Baruc yajmatstëty. Ets tuknipëjky ja Jerahmeel, yë'ë yajkutujkpëtëjk jyä'äy ets ja Seraías, yë Azriel yë myaank ets ja Selemías, yë Adbeel yë myaank. Je'eyëp ko yë Jeremías ets Baruc ojts yë Wintsën yu'utsëtë, ka'ap yajpatë.

Jeremias 38:4

Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 10:39

Jä'ä ko pën ka'ap wi'ix jyata'any, tëkoyaanp ja jyuukyajtën; e pën y'ëxmatsyp ja nyaaxwiinyëtë juukyajtën mëët ëjtskyëjxm, jä'ä pyaatäämpy ja juukyajtën xëmëkyëjxmëpë.

Mateo 14:5

Oy ja Herodes tjayaj'ooka'any ja Juan, tsyë'këp ja mayjyä'äy, jä'ä ko ja mayjyä'äy jëtu'un myäytyë tyajtë ko ja Juan Dios kyäjpxynyajxpë yë'ë.

Marcos 6:19

Paaty ja Herodías tukjoot'anpëjky ja Juan, ets myäy tyäjy ko ja Juan tyaj'ooka'any. E kä'äp ënety oy tmëët'aty ja wa'kpäjn wi'ix ja Juan tyaj'ooktëty.