Jeremias 26:19 - Biblia Dc en Mixe de Quetzaltepec

¹⁹ ¿E ojts yë Ezequías yajkutujkpë ets naax kajpn tyaj'ooktë ja Miqueas? Ka'ap, ni'ikyënëm ojts yë yajkutujkpë tsë'ëkë ja Wintsën ets ni'ikyënëm ojts y'ënä'äny ko wä'än yë Dios tpokymye'kxy ja naax kajpn. Ënet ja Wintsën ka'ap tkejxy ja ëyo'on jotmay mëti'ipë ënety të tjatuknipëjktaakën tkäxa'any. ¿Ets ënät ëëtsajtëm ja nëë poky mëjpë këjääpë nnätyukpatëmëtyë ko tu'uk ja ja'ay nyaj'o'kmëty ka'apë tii poky tmëëtëtyë?

Biblia Mixe de Quetzaltepec

¹⁹ ¿E ojts yë Ezequías yajkutujkpë ets naax kajpn tyaj'ooktë ja Miqueas? Ka'ap, ni'ikyënëm ojts yë yajkutujkpë tsë'ëkë ja Wintsën ets ni'ikyënëm ojts y'ënä'äny ko wä'än yë Tios tpokymye'kxy ja naax kajpn. Ënät ja Wintsën ka'ap tkejxy ja ëyo'on jotmay mëti'ipë ënäty të tjatuknipëjktaakën tkäxa'any. ¿Ets ënät ëëtsajtëm ja nëë poky mëjpë këjääpë nnätyukpatëmëtyë ko tu'uk ja ja'ay nyaj'o'kmëty ka'apë tii poky tmëëtëtyë?

Jeremias 26:19 ပူးပေါင်းရင်းမြစ်များ

2 Samuel 24:16

E tam ënety ja Wintsën ja kyukäjpxy tyimja'tanë Jerusalén mëti'ipë yaja'ay o'kpën ets ja naax kajpn tyajkutëkoyä'äny, ko ojts ja Wintsën tnijootwinpity ja naax kajpn ets t'ënëmaay ja kyukäjpxy: Wä'än jääyë jëtu'un, këtii tii xy'ëktuunë. E ja Wintsën ja kyukäjpxy jam ënety mëtëy yajpaaty ma tu'uk ja ja'ay ja kyamjotmën, mëti'ipë xyëëwajtypyën Arauná, Jebús ja'ay, tsajpmok ënety jam yajpajk'ajtyp.

2 Crónicas 32:20

Paaty ja Ezequías ets ja Jeséas, yë Amós myaank, tyëjkëtyë kajpxtakpë ma Wintsënën ets putëjkën t'amëtoowtë.

2 Crónicas 34:21

Nëjkxtë timtyämyë yajnitëwëtë Wintsën mëët ëëtsëty ets mëët ja ja'ayëty mëti'ipë tsënaaytyëpën jam Judá, wi'ix ko ya'atë noky jëtu'un kyäjpxy; jä'ä ko wä'änxyëp yë Wintsën mëk ëëts'ajtëmë të xytyukjoot'anpëjkëmë mëët ko ja n'ap'ajt n'ok'ajtëmë ka'ap ojts tmëjpëjkta'aktë ja Wintsën ets ka'ap jëtu'un tuuntë tä ja ënä'ämën tëyajtën myinyën.

Éxodo 32:14

Yë Dios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënety të y'ookyën.

Isaías 37:1

Ko ja yajkutujkpë Ezequías tmëtoowpaty jëtu'unpë ja ayuk, ojts tkë'ëtswä'kxy ja wyit ets nyätyukxojxë ja wit mëti'ipë kuumpën u'kxpën mëët ko ëxëëk nyäjyawëty ets ojts nyijkxy ma ja Wintsën ja tsyajptëjkën.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Jeremias 26:3

Kooxyëp tnaja'akyukëtëty mëti'ipë mnikäjpxypën ets t'ëxmatstëty ja y'ëxëëkjot y'ëxëëk winma'any, wä'änës ka'ap ntëytyuntyëty ma ëxëëk të y'ëtë'ëtstë y'ëna'antën, jëtu'un tääjës ënety të njamay të njatajyën.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?

Amós 7:3

Ënet ja Wintsën të t'akajpxtuky ja ëyo'on mëti'ipë ënety të tuknipëjktaakën ets të y'ënä'äny: Ka'ap tyunanënëpë ya'atë ëyo'on.

Habacuc 2:10

Tääts jëtu'un tpaaty ijxtëm jeexyë ja mjëën mtëjk të xyajnitujkta'ayën mëët ja tsëtyu'un ets kë'ëm të myajkutëkoyë ko wiinkëtypë naax kajpn të xyajkutëkoy.

Zacarías 7:2

Jä'ä xëëw ënety yë Betel ja'ayëty të tkäxtë yë Sarézer ets Réguem-mélec, mëët yë jyä'äy ets t'amëtowa'antë yë Wintsën yë pyutëjkën

Mateo 23:35

Jëtu'unts miits mtuka'ajëtëty ja poky ko ënety të y'ooktë ni'ëmukë ja oyjyä'äytyëjk, Abel tyuktso'ontäkpy ets ja Zacarías tukjëjpkëxy, ja Berequías ja myaank, mëti'ipë myaj'o'ktën jap tsajptëkoty ma ja wa'atspë ja tsajptëkotën, ma y'ityën ja wintsë'këntyakn.

Hechos 5:39

e pën Dios yë jyä'ä yajtuunëtëp, nijëna'a miits xykyayajkutëkoytyëty. Näkyëwent'atëtë, ka'ap mëpaat mtsiptuntë mëët ja Dios.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.