Jeremias 25:35 - Biblia Dc en Mixe de Quetzaltepec

³⁵ Yë kupixyny këwent'ajtpëty ka'ap nëjkx tjëkyepy wi'ix kyä'äktëtyën; mëti'ipë wyojpjëtijtëpën yë kupixyny nijënu'un nëjkx tkajëkyepy wi'ix kyäktso'oktëtyën.

Biblia Mixe de Quetzaltepec

³⁵ Yë kupixyny këwent'ajtpëty ka'ap nëjkx tjëkyepy wi'ix kyä'äktëtyën; mëti'ipë wyojpjëtijtëpën yë kupixyny nijënu'un nëjkx tkajëkyepy wi'ix kyäktso'oktëtyën.

Jeremias 25:35 ပူးပေါင်းရင်းမြစ်များ

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Jeremias 25:36

Yaxtëp jojktëp yë kupixyny këwent'ajtpë, jëëytyëp yaxtëp yë kupixyny winwoopë, jä'ä ko tëë ja Wintsën tyajkutëkooytyä'äy ja aay ujts.

Jeremias 32:4

ets Sedequías yajkutujkpë ka'ap nëjkx myäyë tkukä'äkëty yë caldeo ja'ay, nëjkxëp yë Babilonyë yajkutujkpë myätsyë ets kwanë nëjkx twinkuwa'akë.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Jeremias 38:23

Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Ezequiel 17:18

jä'ä ko tëë tnëxi'iky tukxi'iky ja käjpxytyu'unën ets ka'ap të tpatuny ijxtëm ojts yajkäjpxy'ätyën, je'eyë ojts winë tkupëky ets ka'ap t'ëkpatuunë. Paatykyëjxm ka'ap tjëkyepy juuky kyä'äkëty.

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënety jam yajkutujkpën ma Caldeo ja'ayëtyën,

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.