Jeremias 25:33 - Biblia Dc en Mixe de Quetzaltepec

³³ Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Biblia Mixe de Quetzaltepec

³³ Jëtu'unyë nëjkx nyaaxmë'o'këtya'atë ja ja'ayëty mëti'ipë ënäty ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Jeremias 25:33 ပူးပေါင်းရင်းမြစ်များ

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Salmos 79:3

Jëtu'un tä nëëjën të tam të tyoktë ja jot ne'pyny ma Jerusalén kajpnën, ets ka'ap ma pën, pën yajnaaxtëkëtëpën.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Apocalipsis 11:9

Ets tëkëëk xëëw ja kujkm, ja ja'ay nëjkx t'ixtë ja o'kpë, mëti'ipë tso'ontëpën wiink naax wiink kajpn, tëkokyë mëti'ipë wiink aaw wiink ayuk kyajpxtëpën. Ni pën tkakupëka'any ets ja o'kpë nyaaxtëkëtëty.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.

2 Reyes 9:37

ets ko yë jyot nyini'kx jëtu'unyë nëjkx piny jety wyi'imy tä yë të'ënyën ma Jezreel nyaaxjotmën, koonëm jëtu'unyë piw nuuk jyajta'ajëty tä ka'ap pën t'ëk'ijxkajpnëtyën.

Ezequiel 29:5

Tääts jam nasjëpipëja'any të'ëts'itjotm, mëët tu'kë'ëyë ja nëë jëyujk mëti'ipë jap mnëëjoty yajpatpën; wintë'ës'ituuy nëjkx mkëtä'äky ets ka'ap nëjkx pën myajnaaxtëkëty. Yë'ë nëjkx mtsu'utyë mwëtsyë yë aayjëyujk ujtsjëyujk ëwa'anëtypë ets nëjkx yë lut majkwejkxy mnukyë mpotyë.

Ezequiel 21:11

paaty të yajjëjpme'ey ets yajnajtstijëty. Tëë yajjëjpme'ey yajëjpwitsy ets tyajtunëty yë yaja'ay o'kpë.

Ezequiel 29:4

Ntukjëjp jëëpëjäämpy yë xu'uny ets jam nyäkyëx'o'tsta'ajëtëty yë nëë jëyujk ma mnimeenyën. Jap mnëëjoty njuuta'any mëët yë maynyëëjëyujk këx'ootsy ma mnimeenyën.