Jeremias 25:32 - Biblia Dc en Mixe de Quetzaltepec

³² Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Biblia Mixe de Quetzaltepec

³² Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Jeremias 25:32 ပူးပေါင်းရင်းမြစ်များ

2 Crónicas 15:6

Nixim niyam ënety ja naax kajpn je'eyë nyäyajkutëkoyë, jä'äkyëjxm ko ja Wintsën yë'ë tuk'ijxëtëp ja atsë'ëk ajawëpë mëët kanaakpëkpyë ja ëyo'on jotmay.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 34:2

Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 5:28

Aak jëjpxu'uny ja kyu'umënëty ets aak wo'onë'ëky tyaj'itë ja tyi'pxnëty. Ja kyëwaayëty aaktam ja kyujup mëti'ipë juunën tä tsaajën, ets jëtu'un y'ëwtity ja kepy wintëkäämpë ja nyiye'eypyäjn pojxujtykyën.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Jeremias 30:23

Ko yë Wintsën jyoot'anpëky, jëtu'un tä myëktuupojyën, jëtu'un tä tëtykpyoj myinyën mëët yë komtuu ets jam kyëxpojy ma ëxëëkja'aytyëjkën.

Jeremias 6:22

Jëtu'un yë Wintsën y'ënä'äny: Tam anëkëjxmtsow tu'uk yë naax kajpn mëkpë ets tsip'ixypyë tuknipëjktaakë ets min tnitëkëja'any ya'atë naax kajpn.

Jeremias 6:23

Yë'ëjëty tam oyëtypë pujxn tmëët'atë mëti'ipë myëtsiptuuntëpën; tääpë ja'ayëty ëxëëk ja'ay yë'ëjëty ets ni pën tkapa'ëyowtë. Ko y'aya'axtë, jëtu'un yajmëtoy tä mëjmejy y'iitsy kyomyën, kwaaykyijxy muum nyëjkxtë. Jëjp'ixy jam y'ijnëtë ets tnitëkëja'antë ja Sión kajpn.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Lucas 21:10

Tääts ja Jesús jyaak nëmaayëtë: Tsiptunaanp ja naax kajpn mëët ja wiinkpë ja mëj kajpn.

Lucas 21:25

Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.