Jeremias 25:3 - Biblia Dc en Mixe de Quetzaltepec

³ Ma ënety majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Biblia Mixe de Quetzaltepec

³ Ma ënäty majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 25:3 ပူးပေါင်းရင်းမြစ်များ

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënet ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënety ja Dios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

1 Reyes 22:3

Ets ja yajkutujkpë jampë Israel t'ënëmaay ja tyuunpëtëjk: Miitsëty mnija'awëtyëp ko yë naax kam tampë yajpaatyën Ramot ma Galaad y'itjotmën, ëëts yë njä'ä'ajtëmë ¿këtiijë?. ¿E tiixë ko ënät nkanitsipjëtu'unëmë ets jatëkok mpëjkëmëty yë sirië ja'ayëty?

2 Reyes 17:13

Tëë ënety ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

2 Crónicas 24:19

yë Wintsën ojts tyuunpëtëjk tjakexy mëti'ipë ja ënëmaayëtën ets jyotwinpitëty, yë'ëjëty ka'ap kyäjpxyjyä'äykyujkëtyë.

2 Crónicas 34:1

Tuktujk ënety Josías jyëmëjt ko ojts tyëkë yajkutujkpë, i'px majktu'uk jëmëjt yajkutujky jam Jerusalén.

2 Crónicas 34:3

Ma tyuktujk jëmëjtpetyën, ma Josías tyëkën yajkutujkpë, jää yë Josías ojts ëka'any yë Wintsën t'ixta'ay, mëti'ipë y'ëwtajtën yë y'aptëjk. E ma majkmäjtsk jyëmëjpetyën jää tjëpëjktaay ja Aserá y'awinax ets ja nyitsajptëjk ja ka'apë Wyintsënëtyën ets mëti'ipëjaty ënety oytyunyën mëët yë pujxn, jampë yajpaatyën Judá ets Jerusalén,

2 Crónicas 34:8

Ma myajkmokx tëkëëk jëmëjtpetyën, ma ënety yajkutukyën yë Josías, ko ojts tyajwatsta'ay ja naax kajpn ets ja tsajptëjk. Ënet tkexy yë Safán, Asalías myaank; ja Amasías mëti'ipë jam kutuunk'ajtpën Jerusalén mëët ja jyääpyë Joah, Joacaz yë myaank, ets tkoj'oyëtëty ja tsajptëjk.

2 Crónicas 36:15

Ja Wintsën mëti'ipë y'ëwtajtën ja y'ap y'okëty, ojts kanaak'ok jya'ënë'ëmxëtë ets tyaj'oyëtëty ja jyot wyinma'any jä'ä ko ja tsojkëtëp ets ja pa'ëyoowëtëp, ma jam yajpaatyën ja y'ijtakn.

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Éxodo 8:20

Tä ja Dios t'ënëmaay ja Moisés: Yë mëj'ënä'ämpë jap jopy tsojk nyëjkxa'any nëë ëkë'p paaty mijts tsojk jopy mpëtë'kojëty ets nëjkx xy'ënëëmë: Jëtu'un yë Dios të y'ënä'äny: Ëxmajtskës yë nkajpn, wä'änës min xy'ëwtaty.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Jeremias 1:2

Yë Jeremías jää ojts yë Wintsën myëkäjpxyë ma ënety yë Josías, yë Amón yë myaank, mëmajk tëkëëk jëmëjt yajkutukyën jam Judá.

Jeremias 11:7

Maju'unëmës nyajpëtsëmyën yë m'ap m'okëty jap Egiptë, kanaak'ok të n'ënëëmëtë etsës xymyëmëtowtëty, jëtu'un ma tsyo'ontäkyën ets tyampaat je'eyëmës jëtu'un n'ënaan'ëtë'ëtsy.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 22:21

Ojts mijts njamëkäjpxy ma ënety akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Jeremias 25:4

E oy yë Wintsën kanaak ok të mjatuknikäxëtë yë käjpxnyajxpëtëjk, miitsëty nijënu'un mëj të xykyajawëtë, ka'ap të mja'akyukëtë ets ka'ap të mmëtowtë.

Jeremias 26:5

ets pën ka'ap tja'akyukëtë ja aaw ayuk mëti'ipës të njakajpxnaxyën mëët ja nkäjpxynyajxpëtëjkës, mëti'ipës kanaak ok të njakexyën ets je'eyë të kyäjpxykyumëtoownaxtë,

Jeremias 29:19

Jä'ä ko ka'ap tja'akyujkëtë koos ojts njatuk'ëwaanëtë mëët ja nkäjpxynyajxpëtëjkës mëti'ipës ntuknikäjxtën ets jeexyë jyootwinpitë. Ëjts Wintsën, ëjts ënaanp.

Jeremias 32:33

Jyëxkës të xytyuk'akëyëtë, ka'ap yë wyiin jyëjp të tyaktë. Ëjts xëmës të njamo'otë oypyë aaw ayuk ets jeexyë jyuukyajtën tyaj'oyëtë, yë'ëjëty ka'ap nijënu'un tmëjpëjkta'aktë ets ka'ap tsojkën'atë jyuukyajtën tyaj'oyëtëty.

Jeremias 35:14

Yë Jonadab yë y'u'unk y'ok, yë Recab yë myaank, yë'ë pyatuuntëp ja ënä'ämën mëti'ipë ënaanpën ko ka'ap mëpaat yë tsatym nyëë t'uuktë mëti'ipë tëë nyimaanaxyën, jä'ä ko jëtu'un ja y'aptëjk ojts tni'ënä'ämë. Ëjts nän tëë miitsëty yë ënä'ämën njamo'otë kanaak ok, je'eyëp ko ka'ap të xypyatuntë.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 36:1

Ma ënety taxk jëmëjt y'apetyën ma Joaquim tyëkën yajkutujkpë, yë Josías yë myaank mëti'ipë jam Judá ënä'ämpën, jää ojts yë Wintsën tmëkäjpxy yë Jeremías ets t'ënëmaay:

Jeremias 36:2

Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:25

Maju'unëm yë m'ap m'ok tsyoontën jap Egiptë ets tyampaat, xëmës të njakexy yë ntuunpëtëjk mëti'ipë käjpxynyajxtëpën.

Ezequiel 33:4

Ko pën tmëtoy ko tam ja xuxn yajtukxu'uxy ets ka'ap tmëjpëjktä'äky, ja ja'ay mëti'ipë jëtu'un ëtëtspën kë'ëm ënety nyätyunyë ko y'ookëty tyëkoyëty,

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Dios mëkajpxpë të'ëts'itjotm,

Juan 8:2

ets ko xyiinytyäky, tää ojts nyijkx ma ja mëjtsajptëjkën. Ënet ja ja'ay tyukye'eymyujkë ets nyaaxwe'tsy ets yaj'ijxpëjktso'ony.

Juan 8:47

Pën ja Dios ja'ay'ajtëp, y'amëtoow'ijtyp mëti'ipë ja Dios kyäjpxypën; miitsëty ka'ap yë Dios mja'ay'atëtë paaty ka'ap xymyëtoow'itë mëti'ipës nkäjpxypën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.