Jeremias 25:26 - Biblia Dc en Mixe de Quetzaltepec

²⁶ yë yajkutujkpëtëjk mëti'ipë jam anëkëjxmtsow yajpatëpën, mëti'ipë nämyëwinkon'ajtëtëpën, mëti'ipë nämyëjëkäm'ajtëtëpën; tu'kë'ëyë ja wiink naax wiink kajpn ma y'ityën ënä'ämën kuttujkën. Ets tukjëjpkëxëty yë Babilonyë yajkutujkpë.

Biblia Mixe de Quetzaltepec

²⁶ yë yajkutujkpëtëjk mëti'ipë jam anëkëjxmtsow yajpatëpën, mëti'ipë nämyëwinkon'ajtëtëpën, mëti'ipë nämyëjëkäm'ajtëtëpën; tu'kë'ëyë ja wiink naax wiink kajpn ma y'ityën ënä'ämën kutujkën. Ets tukjëjpkëxëty yë Babilonyë yajkutujkpë.

Jeremias 25:26 ပူးပေါင်းရင်းမြစ်များ

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Jeremias 25:12

Ko ënety kyä'pxy tëkë'px majk jëmëjt, jääjës yë Babilonyë yajkutujkpë yë nyaax kyajpn mpatëkëjanë yë tyëko'oyën, yë Caldeo ja'ayëty wa'atsës mpaye'eyä'äny yë nyëë pyoky ets nëjkxëpës xëmëkyëjxm nyajkutëkoy. Ëjts Wintsën, ëjts ënaanp.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 51:41

Babilonyë, ja kajpn mëti'ipë mëj'äämpy ijtpën naaxwiiny apëtsëmy, tëë kyutëkoy, tëë ja myëtsip myëmëtä'äkyë. Je'eyë tsyë'kënëtë ja naax kajpn ko t'ixtë.

Jeremias 51:51

Jëtu'un miitsëty m'ëna'antë: Ja tsëtyuuntëpës koos ja'ay xy'ojtë xya'axtë. Ëxëëkës nja jawëtë ko ja'ay jëkäm të xynyitsoontës ets të tyëkëtë nkajpnjotyëtyës ets të tyaj'ëxëëkëtë ja wa'atspë kënu'kxypyë tsajptëkoty.

Ezequiel 32:30

Aak xim yajpata'atë ja wintsëntëjkëty mëti'ipë të y'ënä'ämtën anëkëjxytsyow, ma yajpaatë yë Sidónja'ayëty. Jotmëk ojts y'itë ets tëë ja'ay t'atsë'ëk t'ajawëtë, e tyam tëë jap jyëjpta'aktë wintsëtyu'un jëjptsëtyu'un ma ja o'kpë yajpaatën, mëti'ipë të y'ooktën tsipjoty. Ka'ap yë Wintsën të t'ëwtatë, jap tyam yajpaatë o'kpëtujp ma ka'ap pën myëjpëjkta'akëtën tsipjotypë të y'ooktën, mëti'ipë të jyëjpta'aktën o'kpëtujp.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.