Jeremias 25:21 - Biblia Dc en Mixe de Quetzaltepec

²¹ yë y'itjot yë Edom, Moab ets Amón,

Biblia Mixe de Quetzaltepec

²¹ yë y'itjot yë Edom, Moab ets Amón,

Jeremias 25:21 ပူးပေါင်းရင်းမြစ်များ

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Isaías 25:10

Yë Wintsën yë'ë kyuwa'anäämpy yë Sión kajpn, ets Moab tnaaxkutäänëja'any tä ja'ay t'ateeny tukteenyën aay pu'uxmën.

Jeremias 27:2

ets t'ënëmaay: Oytyun yë po'otejpxy ets tsajpkaakukë'ë ets mnätyukyo'ktëyëtëty.

Jeremias 27:3

Ok xykyäjpxynyikäxëty yë yajkutujkpëtëjk mëti'ipë jam ënä'ämtëpën Edom, Moab, Amón, Tirë ets Sidón. Yë'ë ntukmëkäxëp ja käjpxy yë ja'ayëty mëti'ipë ja Sedequías yajkutujkpë nyimiintëpën.

Jeremias 40:14

ets t'ënëmaaytyë: ¿Ti këtiijën xynyijawë ko yë Baalís yajkutujkpë mëti'ipë jam ënä'ämpën Amón, tëë tkexy yë Ismael ets myaj'ooka'anyë? E yë Guedalías ka'ap ojts tmëpëky.

Jeremias 48:1

Yë Wintsën, mëti'ipë maaytyääyëpën winë, mëti'ipë ja Israel ja'ay Tyios'ajtëpën, tëë tnikäjpxy wi'ix jyata'antën yë Moab ja'ayëty: Janty mon janty tuk yajpaaty yë Nebo kajpn ko të kyutëkooynyë. Yë Quiriataim kajpn o'ktëy të jyäty të kyëpety, yë nyaax kyajpn mëti'ipë ënety ta'tspëkyën ets këwent'atyën, tëë jyijtë'kta'ay ja pyotsy.

Jeremias 49:1

Ma Wintsën tnikäjpxyën wi'ix jyata'antën yë Amón ja'ayëty: ¿Maa ënät ja Israel ja'ayëty ja y'u'unk y'ëna'këty? ¿Maa ënät ja mëti'ipë myëwë'ëmantëpën ja kuma'ayën? ¿Wi'ix ko ënät ja tios Milcom yë'ë Gad ja'ay nyiwintsën'atyë? ¿Wi'ix ko yë Amón ja'ayëty yë'ë jam tsyëënëtë ma Gad y'itjotmën?

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Jeremias 9:26

ijxtëm yë Egiptë ja'ayëtyën, Judá ja'ayëtyën, Edom ja'ayëtyën, Amón ja'ayëtyën, Moab ja'ayëtyën ets tëkokyë naax kajpn mëti'ipë yajpatëpën jam të'ëts'itjotm ets mëti'ipë näy'awaay jyäjpëtëpën. Jä'ä ko tu'kë'ëyë ja naax kajpn aak ka'ap ja ye'etyëjkajtën nyatsujk'ëwtity'atë, ni'ik yë Israel kajpn jä'ä ko jap ka'ap y'oy'atë ma jyot wyinma'anyëtyën.

Ezequiel 25:1

Ënet ja Wintsën ojts xymyëkäjpxyës etsës xy'ënëmaay:

Ezequiel 32:29

Xim ja Edom, mëët yë yajkutujkpëtëjk ets wyintsëntëjk. Oy jënu'un jotmëk të jyä'äy'äty, nän jam yajpaaty o'kpë itkujky ma yajpaatën yë o'kpëty mëti'ipë tsipjoty të y'ooktën, mëti'ipë ka'ap Wintsën t'ëwtajtën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Amós 2:1

Jëtu'un yë Wintsën y'ënä'äny: Yë Moab ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tnino'këtë yë wyääy pyajk yë Edom yajkutujkpë, kuyjyaamën tyaj'awinpijtaaytyë.

Abdías 1:18

yë Jacob yë y'u'unk y'ok ets José yë y'u'unk y'ok jëtu'un yë'ëjëty tä witën, mëti'ipë poj'am jëënmatsanëtpën. Nitu'uk yë Esaú y'u'unk y'ok kyatso'oka'any. Ëjts Wintsën, ëjts ënaanp.