Jeremias 25:17 - Biblia Dc en Mixe de Quetzaltepec

¹⁷ Ënet ojts n'ëxajës ja a'ukën mëti'ipës ja Wintsën xymyooyën etsës ntuk'uky ja naax kajpn maajës ënety ja Wintsën të xykyexyën.

Biblia Mixe de Quetzaltepec

¹⁷ Ënät ojts n'ëxajës ja a'ukën mëti'ipës ja Wintsën xymyooyën etsës ntuk'uky ja naax kajpn maajës ënäty ja Wintsën të xykyexyën.

Jeremias 25:17 ပူးပေါင်းရင်းမြစ်များ

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Jeremias 25:28

E ko tka'ëxajëja'antëty yë a'ukën, jëtu'un xy'ënëëmëtëty: Yë Wintsën mëti'ipë maaytyääyëpën winë, jëtu'un y'ënä'äny: Kwanë ko xy'uuktë oy wi'ix mja'ëna'antë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 27:3

Ok xykyäjpxynyikäxëty yë yajkutujkpëtëjk mëti'ipë jam ënä'ämtëpën Edom, Moab, Amón, Tirë ets Sidón. Yë'ë ntukmëkäxëp ja käjpxy yë ja'ayëty mëti'ipë ja Sedequías yajkutujkpë nyimiintëpën.

Ezequiel 29:2

Mijts ye'etyëjk, yë'ë tyam yë yajkutujkpë mëkajpx, mëti'ipë jap Egiptë ënä'ämpën ets xytyuk'ëwaanëty ëjts nxëëwkyëjxmës wi'ix yë Egiptë kajpn jyata'any kyëpäta'anyën.

Ezequiel 3:2

Ënätës ojts n'awë'ëky etsës ojts xytyukjë'kxy ja aaw ayuk.

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.