Jeremias 24:6 - Biblia Dc en Mixe de Quetzaltepec

⁶ ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

Biblia Mixe de Quetzaltepec

⁶ ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

Jeremias 24:6 ပူးပေါင်းရင်းမြစ်များ

Génesis 44:21

Tä ojts näjyëtu'un xy'amëtoy, ko nwoowmintëtyës, jä'ä ko m'ixy'atäämpy ënety.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Nehemías 5:19

Wintsën xyjyä'ämatsëpës xëmë, etsës oy njuuky'atëty, mëët ko oy ja naax kajpn të nmëtunyës.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Jeremias 12:15

E ko ënety të nyajpëtsëmyës ma nyaax kyajpnëtyën tä ja'ay ujts tnujkë'ëkyën naaxkëjxy, ënätës jatëkok mpa'ëyowa'antë etsës nyajwinpita'antë ma nyaax kyajpnëtyën.

Jeremias 16:15

jä'ä nëjkx y'ëna'antë: Mëët ja Wintsën ja jyuukyajtën, mëti'ipë yajpëtsëëmën ja Israel kajpn ma ja myëtsipën anëkëjxmtsowpë yajpaatyën ets maajaty ja it naaxwiinyëtën ma të kyääkwa'kta'atën. Ëjts nëjkx ntuknipëjktaakë jëna'a mwinpitëty ma mnaax mkajpnëtyën, ma it naaxwiinyëtën mëti'ipës nmooytyën ja y'ap y'okëty.

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 29:10

Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Jeremias 31:28

Jëtu'un tääjës ojts poj'am nwijxë'ëky nnujkë'ëkyën ja ëxëëkpë ets nkujijtnajxyës mëti'ipës ka'ap n'oy'ixyën, xit ko'ow ntuunyës ets nyajkutëkooytyääyës ja ka'apë myëtëyëtyën, jëtu'unës näjyëtu'un jëjp'ixy nyajpaata'any ets jyää'atëty ja kojën mä'kxën. Ëjts Wintsën, ëjts ënaanp.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Jeremias 33:7

Nyajtëkatsäämpyës yë Judá ja'ayëty ets Israel ja'ayëty yë jyuuky'ajtënëty etsës jatëkok nyaj'oyëja'any tä ijty tëëyëpën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jeremias 39:12

Mijts ntuknipëjkpy ets xykyëwent'atëty yë Jeremías, këtii nëkoo ëxaty xytyunëty xy'ënëëmëty, ni'ikyë xymyo'ojëty tii mtimy'amëtoowëpën.

Jeremias 42:10

Pën miitsëty mwë'ëma'antë yaa tsënääpyë ma ya'atë it naaxwiinyëtën, tyam mputëkëtëty ets jotkujk mjuuky'atëty; ka'ap nyajkutëkoytyëty, ni'ikyë nëjkx nkojtë nma'kxtë tä aay ujts yajkojyën ets ka'apë nijëna'a yajwijxë'ëkyën, jä'ä ko nmëkja'apës ko miitsëty ja ëyo'on të ntuknikäxtë.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Deuteronomio 11:12

Ma tääpë it naaxwiinyëtën yë Wintsën yë'ë kë'ëm tyimkëwent'ajtyp ets xëmë jam yë kyënu'kxën tyajkëtä'äky oy tyimjëna'ajëty.

1 Pedro 3:12

Jä'ä ko yë Wintsën yë'ë kyëwent'ajtyp mëti'ipë oy juuky'ajtëpën ets y'amëtoow'ijtyp ko nyu'kxta'aktë; e yë ëxëëk ja'ay ëxëëk t'ixy.