Jeremias 24:2 - Biblia Dc en Mixe de Quetzaltepec

² Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

Biblia Mixe de Quetzaltepec

² Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

Jeremias 24:2 ပူးပေါင်းရင်းမြစ်များ

Isaías 5:4

¿Wi'ixës jëtää jeexyë n'ëktuny ja ntsatsym kam? ¿Ëkë wi'ixës jëtää ja ntsatsym kam të ntuny? Ëjts jä'äs të nja'ëwxity pa'akëty jeexyë të tyëëm'aty, e aak xunëty të pyëtsimy, ¿wi'ix jëtää ko jyëtu'unëty?

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Jeremias 29:17

Ëjts Wintsën, mëti'ipë maaytyääyëpën winë, ëjts ënaanp: Tsip käjpxy, yuu xëëw ets pa'am ëyo'on ntuknikäxantëp. Jëtu'un nyajjata'antë tä higo pu'utsën mëti'ipë ka'ap tjëkyepyën yajë'kxëty.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Nahúm 3:12

Tëkokyë yë mkëwent'ajtakn jëtu'un yajpaaty tä tu'uk yë higo kepyën mëti'ipë tyëëmën u'unkjatyëty ets ko yajwinxity poj'am nyëka'ata'ay ets jap kyuka'ajë y'aawjoty ma mëti'ipë jë'kxanëpën.

Mateo 5:13

Kaanën miitsëty yaa naaxwiiny myajpaatë. Ko ja kaan ja tya'amtsajtën tyëkoy, ka'ap y'ëk'o'oyënë ets jatëkok y'awinpitëty ta'amts. Ka'ap y'ëktuunnë, yaj'ixko'op tu'ujoty ets ja ja'ay y'ateeny tyukteenyë.