Jeremias 23:4 - Biblia Dc en Mixe de Quetzaltepec

⁴ Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Biblia Mixe de Quetzaltepec

⁴ Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 23:4 ပူးပေါင်းရင်းမြစ်များ

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

Juan 18:9

Paaty ya'atë jëtu'un tyuunë jyajtë ets y'atëwëty ko ja Jesús ojts kë'ëm y'ënä'äny: Mëti'ipës mijts të xymye'eyën, nitu'uk të kyatëkoy.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënety jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Ezequiel 36:11

Nyajnimayëjäämpyës yë ja'ay ets jëyujk ma miitsëtyën ets may'äämpy y'awinpitëty. Nimay nëjkx ni'ik m'itë jëtu'un tä ijty tëëyëpën ets nëjkxëp mjotkujkëtë. Ënet nëjkx xynyijawëtë ko ëjts Wintsënajtp.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Sofonías 3:13

Ja Israel ja'ayëty mëti'ipë ënety juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.