Jeremias 23:39 - Biblia Dc en Mixe de Quetzaltepec

³⁹ jëtu'un miitsëty nyajpëtë'ëka'antë tä tu'uk yë tsëmy kë'ëyën, mëët ja naax kajpn mëti'ipës ja m'aptëjk njamooytyën ets jëkäm nnajtsjëpipëja'antë.

Biblia Mixe de Quetzaltepec

³⁹ jëtu'un miitsëty nyajpëtë'ëka'antë tä tu'uk yë tsëmy kë'ëyën, mëët ja naax kajpn mëti'ipës ja m'aptëjk njamooytyën ets jëkäm nnajtsjëpipëja'antë.

Jeremias 23:39 ပူးပေါင်းရင်းမြစ်များ

Génesis 4:16

Ënet yë Caín ojts jam tsyo'onë ma ënety mëët ja Dios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

2 Reyes 23:27

Paaty y'ënäny, ko ëpëky ja Judá timpyëjkta'akanë, tä ëpëky tpëjktäkyën ja Israel kajpn ets ko ja Jerusalén ka'ap jä'ä t'ëkajpn niwa'ananë ets ko ka'ap jap y'ëk'itanë ma ja tsajptëjkën mëti'ipë jam Jerusalén yajpatpën.

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

Proverbios 13:13

Mëti'ipë ja'ay tëë jyayaj'ëne'emyën, ets ka'ap tpatuny, ok tmëkjawë ko ënety ka'ap të tuny mëti'ipë të jyayajtuk'ëne'emyën. Mëti'ipë ja'ay wyinkutsë'këpën yë näy'ënä'ämë y'ëxajëp yë kyuma'ayën.

Isaías 48:15

Ëjts të n'ëna'any, ëjts të nmëkäjpxy, ëjts të nyajminy ets oy maa nyëjkxëty oy winë wyinpëtsëma'anxëty.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Jeremias 12:7

Tëës ja nnaax nkajpn n'ëxmajtsnë, tëëjës n'ëxwanë mëti'ipës ijty njä'ä'ajtypyën. Tëës nkë'ëyajknë ma myëtsipën ja naax kajpn mëti'ipës ijty ntsojkpy nja'apën.

Jeremias 23:33

Mijts Jeremías, pën tu'uk kukajpn ëkë tu'uk käjpxynyajxpë ëkë tu'uk teety myajtëyë: ¿Tii yë Wintsën të t'akäjpxy? Jëtu'un xy'ënëëmëty: Yë Wintsën jëtu'un y'ënä'äny ko miitsëty jëtu'un ma Wintsënën mnaxtë tä jeexyë mtsëëm'itëtën, je'eyëp ko yë'ë tëë tuknipëjktaakë ko tääpë tsëmy t'ixjëpipa'any.

Jeremias 23:38

E ko y'ëna'antëty, yë Wintsën yë kyäjpxynyajxpë, tääts xy'ëtsowëty: Jëtu'un yë Wintsën y'ënä'äny: Mëët ko miitsëty je'eyëm të xyajtuntë ja aaw ayuk, mëti'ipë ntuk'ënëmaaytyën ka'ap xyajtuntëty,

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Jeremias 36:31

e mijts mëët yë mwintsëntëjk ntukumëtowantëp wi'ix të m'ëtë'ëtstën. Nyajminäämpyës yë ëyo'on jotmay ma miitsëtyën tëkokyë mëti'ipës të nikäjpxyën ma Jerusalén ja'ayëtyën ets ma Judá ja'ayëtyën, mëët ko ka'ap të mkäjpxyjyä'äkyukëtë.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Jeremias 7:14

Paatykyëjxm, näjyëtu'un tä ntuunyën ja Siloé tsajptëjk, jëtu'unës ntuna'any ya'atë tsajptëjk mëti'ipës të nyajtuknipëjktaakën, miits ojts njamo'otë ets m'ap m'okëty, mëti'ipë miitsëty mtuk'ijxpäjtëpën.

Jeremias 7:15

Jëkämës nnajtswopëja'antë, jëtu'un tääjës ntuunyën yë mmëkä'äxtëjk yë Efraín yë y'u'unk y'ok.

Lamentaciones 5:20

¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.

Ezequiel 34:20

Paaty ëjts maas nWintsën'atyën, jëtu'un n'ënëëmëtë: Mpaye'eyäämpyës yam wi'ix ko jää kupixyny ni'kxpë ets tää xyëëpëpë.

Ezequiel 5:8

Paatyës yam n'ëna'any, ëjts Wintsën: Ëjts nän mëtsipës yam n'awinpita'any mëët mijts, Jerusalén; ntëytyunäämpy yam ets y'ixtëp yë wiinkëtypë naax kajpn,

Ezequiel 6:3

jëtu'un xy'ënëëmëty: Mëtoow'itë miitsëty Israel kopkëty wi'ix yë Dios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.