Jeremias 23:28 - Biblia Dc en Mixe de Quetzaltepec

^28-29 Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.

Biblia Mixe de Quetzaltepec

^28-29 Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.

Jeremias 23:28 ပူးပေါင်းရင်းမြစ်များ

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

1 Reyes 22:16

Ënet ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

Proverbios 14:5

Ja ja'ay mëti'ipë tii të t'ixyën mëtëy tii tnimëtyä'äky; e mëti'ipë ka'ap tii të t'ixyën yë'ë antakp.

Isaías 21:10

Naax kajpn mëti'ipës nnaax'ajtyp nkajpn'ajtypyën, mëti'ipë jëtu'un tä tsajpmokën të yaj'ateeny të yajtukteenyën, tyam ntuk'ëwaanë mëti'ipës të nmëtoyën, mëti'ipës të xytyuk'ëwaanën ja Wintsën mëti'ipë maaytyääyëpën winë, mëti'ipë ja Israel ja'ay y'ëwtajtëpën.

Jeremias 23:25

Tëës nmëtoow'ity wi'ix yë käjpxynyajxpëtëjk y'anta'aktën ko y'ëna'antë tëë myëtya'aktë mëët ëjts ets kuma'ayjyotyës të xywin'ixtë.

Jeremias 42:4

Tä ja Jeremías y'ëtsoowëtë: Oy'atëp. Tyamës yë mWintsën nmënu'kxta'akëty mëti'ipë mTiosajtëpën mëët miitskyëjxmëty, jëtu'un tääjës xypyëjktsowtën, ok ënät ntuk'ëwaanëtëty wi'ix y'ëtsoyën, ni tu'ukës ja ayuk nkayajninaxa'any.

Jeremias 9:12

¿Pën wijy ets tyaapë tja'akyukëty? ¿Pën yë Wintsën të tukni''ixë ya'atë ets myëku'uktëjk tukmëmëtya'akëty? ¿Wi'ix ko yë naax kajpn yajpaaty axit ako'owë ets anë'ëk tëëtsë'ëk ma ka'ap pën nyäxyën?

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Ezequiel 13:3

Janty mon janty tuk yajpaatë yë käjpxynyajxpëtëjkëty mëti'ipë kyë'ëm winma'any nyikajpx nyimëtyaktëpën nitsuu nipoj ets ka'ap tii twinkëma'atë.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,