Jeremias 23:19 - Biblia Dc en Mixe de Quetzaltepec

¹⁹ Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Biblia Mixe de Quetzaltepec

¹⁹ Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Jeremias 23:19 ပူးပေါင်းရင်းမြစ်များ

Jeremias 30:23

Ko yë Wintsën jyoot'anpëky, jëtu'un tä myëktuupojyën, jëtu'un tä tëtykpyoj myinyën mëët yë komtuu ets jam kyëxpojy ma ëxëëkja'aytyëjkën.

Jeremias 25:32

Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Proverbios 10:25

Ko yë mëkpoj nyäxy, yë ëxëëk ja'ay jëtu'unyë pyojtëkoy; e yë wa'ats ja'ay xëmë jotkujk y'ity.

Zacarías 9:14

Yë Dios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Dios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

Jeremias 4:11

Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Isaías 40:24

Jëtu'un tä pi'k ujts u'unkën naaxkëjxy yonyën mëti'ipë yajnaanpäänpën, mëti'ipë ëka'any tiktskäkpën. Pën yë Wintsën yaj jëënpojpy ma yë'ëjëtyën, xootsantëp ënätyë, ets wyimpapojy mëët mëktuupoj tä aay pu'uxm wyimpapojyën.

Proverbios 1:27

ko ënety mniminëtë ja tsë'ëkë ets ja amay jotmay, ko ënety ka'ap tii xy'ëktukxoontaknëtë ma mpëkëtën m'ixëtën ets ko jëtu'un mnimiinëtëty ja ëyo'on jotmay tä tu'uk yë pojxujtykyën.

Salmos 58:9

Wä'än tnitoytyë tä äpnyën ma ka'anëm tii tnijawëtën, wä'än mëët yë joot'an tyajnujkë'ëktë tä tsuxk ujts yajnujkë'ëkyën.

Jeremias 51:1

Jëtu'un yë Wintsën y'ënä'äny: Nkäxäämpyës tu'uk yë mëkpoj mëti'ipë winë yajkutëkoyäämpyën ma Babilonyë kajpnën, ma caldeo ja'ay tsyëënëtën.

Ezequiel 1:4

Ënätës të n'ixy ko jam anëkëjxmtsow të tsyoony yë tuupoj, jap mëj yootsjoty pyëtsimy jëënën, jëtu'un y'atë'kxy wëtsukën ets na'ëwtityë mëk tyi'kxy. E jam jëënjotm jëtu'un yaj'ixy y'atë'kxy tsuxkpujxnën,

Zacarías 7:14

Paatyës nyaj'aye'eywya'kxtaaytyë, tä jeexyë pyojwa'kxtën mëët yë pojxujtyk, xiitsow yaatsow ma ja naax kajpnëtyën mëti'ipë ënety ka'ap t'ixy'atën ets ja nyaax kyajpnëty aanë'ëk tëëtsë'ëk y'awinpijty, ni pën jam kyatsëënëjany. Janty oy ënety tääpë kajpn të yajpaaty e yë'ëjëty mon tuk tyaj'awinpijtë.

Jeremias 25:31

Koos nkajpxëty, jëtu'un yajmëtowa'any tä ënääwën mëti'ipë naaxwiinyëtë apëtsëmy yajmëtoopën, jä'ä ko yë Wintsën pyaye'eyäämpy ja nëë poky mëti'ipë të tuntën ja naax kajpn, wa'ats tmëkajpxta'aja'any ja naaxwiinyëtë ja'ay ets tyajkutuka'any wä'än t'o'kta'atë ja ëxëëkja'aytyëjk. Yë Wintsën jëtu'un ënaanp.

Jeremias 30:24

Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Ezequiel 13:13

Paaty ëjts maas nWintsën'atyën n'ëna'any: Koos ënety njoot'anpëky nyajminäämpyës yë mëktuupoj ets koos ënety ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.