Jeremias 23:17 - Biblia Dc en Mixe de Quetzaltepec

¹⁷ Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Biblia Mixe de Quetzaltepec

¹⁷ Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 23:17 ပူးပေါင်းရင်းမြစ်များ

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Isaías 57:21

Mëti'ipë ja'ay winë tyuuntëkoopy kyajpxtëkoopyën, nijëna'a jotkujk kyayajpaata'any. Jëtu'un yë Wintsën të y'ënä'äny.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 18:12

Yë'ëjëty jëtu'un m'ëtsowa'anëtë: Këtii nëkoo mxëëw mpo'o xyajtëkoy, ëëtsëty oyës jëtu'un njuuky'atë, yë'ëjës ntsojkën'ajtëp ëxëëk juukyajtën, oyës näjyawëtë koos jëtu'un winë ntuntë tääjës kë'ëm nmaytyën ntajtën.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 4:10

Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Dios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Jeremias 8:11

Ka'ap tmëmay tmëtajtë oyës ja nnaax nkajpn o'ktëy jyäty kyëpety, xëmë je'eyë y'ëna'antë ko oy tyu'uye'ey winë ets ëxëëk jyäty kyëpety ja naax kajpn.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Ezequiel 13:10

Yë'ëjëty tëë twin'ëëntë yë nnaax nkajpnës, ko y'ëna'antë ko oy winë tyu'uye'ey ma naax kajpnën ets ka'ap jyëtu'unëty. Jëtu'un të y'ëtë'ëtstë tä ja'ay tu'uk yë potsy tyaj'oyën oywyi'ix ets jaam tuknikoy.

Ezequiel 13:19

Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Sofonías 1:12

Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Dios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënety miitsëty wi'ix mjatë mkëpätë.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.