Jeremias 22:7 - Biblia Dc en Mixe de Quetzaltepec

⁷ Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Biblia Mixe de Quetzaltepec

⁷ Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Jeremias 22:7 ပူးပေါင်းရင်းမြစ်များ

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Jeremias 15:8

May ja ku'ookytyo'oxy nyajwë'ëmyës tä nëë ajinën. Kujkxyëëw të nyaj'ookyës ja taaktëjk mëët ja y'u'unk y'ëna'këty mëjatypë; ajotkumonës të nyajminy ja ëyo'on jotmay ets tsë'ëkë jawë ma yë'ëjëtyën.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Jeremias 5:15

Jëtu'un yë Wintsën y'ënä'äny: Israel, ntuknikäxäämpy tu'uk yë kajpn mëkpë, jekykyajpn ets jëkämpë tsyoonyën, mëti'ipë wiink ayuk kyajpxtëpën, mëti'ipë mijts ka'ap xytyukjatyën.

Zacarías 11:1

Yaj'ëwa'ats yë mtëjk'aaw mijts Líbano ets jëën tyajtooytya'ajëty yë m'ajë kepy.

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.