Jeremias 22:28 - Biblia Dc en Mixe de Quetzaltepec

²⁸ ¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Biblia Mixe de Quetzaltepec

²⁸ ¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Jeremias 22:28 ပူးပေါင်းရင်းမြစ်များ

2 Samuel 5:21

Ko yë filistejë ja'ayëty t'ijxtë ko ka'ap y'ëkmëta'akanëtë, tääts jëtu'unyë tnikääkjojktë ja y'apëjk y'atu'unën, ja nyaaxpotsyëty ets ja kyepy tyetsyëty mëti'ipë ijty y'ëwtajtëpën, e ja David yë'ë ojts tpëjkmujkta'ay.

2 Crónicas 21:20

I'px mäjtsk jëmëjt ënety jyëmëjt ko tyëjkëy yajkutujkpë jam Jerusalén ets tuktujk jëmëjt ojts y'ëne'emy. Ko y'o'ky ni pën kyanimiinë. Jam nyaaxtëjkëy ma ja David ja kyajpnën, je'eyëp ko jam jëkäm ma ijty nyaaxtëkëtën ja yajkutujkpë ja wyintsëntëjkëty.

Salmos 31:12

Jëtu'unës të xyjyä'äytyëkooynyëtë tëës yowë n'o'knë. Jëtu'unës ëjtsnë tä tu'uk yë tu'tsën tëëpë tyukpu'ujëtyääynyën.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Jeremias 22:27

Jëtu'un'äämpy nëjkx ka'ap nijëna'a wyimpitë oy yajxon jyawinpita'antëty.

Jeremias 22:30

Jëtu'un yë Wintsën y'ënä'äny: Jap ya'atë ye'etyëjk kuuja'atë ma yajjaaypyätën yë ye'etyëjktëjk, ko jëtu'un yë'ë tä tu'uk ja'ayën mëti'ipë ka'ap nitu'uk yë y'u'unkën, tä tu'uk yë ye'etyëjkën mëti'ipë ka'ap tii të y'oypyëtsë'ëmxëtyën ko të jyuuky'äty. Jä'ä ko ka'ap nëjkx nitu'uk yë y'u'unk y'ëna'k jyä'ty ma David yë kyutujktaknën ets jeexyë jam jatëkok y'ëne'emy Judá.

Jeremias 24:1

Tëë ënety yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.

Jeremias 37:1

Yë Nabucodonosor, mëti'ipë jam Babilonyë ënä'ämpën, yë'ë ojts jam Judá yë Sedequías tpëjktä'äky yajkutujkpë, yë Josías yë myaank, jëtu'un tä jeexyë yë'ë Jeconías yajkutukyën, yë Joaquim yë myaank.

Jeremias 48:38

Ma ja tëjk kopkën ets në'ëjoty tu'ujoty jam Moab, aak jëëy aak yaxtëp yë ja'ayëty, jä'ä ko yë Moab piw nuuk të ntuunta'ayës jëtu'un tä ja'ay tu'ts tukpu'ujën mëti'ipë ka'ap y'ëktuunën. Ëjts Wintsën, ëjts ënaanp.

Oseas 13:15

Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Oseas 8:8

Israel jëtu'un të jyäty tä jeexyë të yajjëënyën. Wiinkëtypë naax kajpn ka'ap mëj tyim'ixëtë,