Jeremias 22:26 - Biblia Dc en Mixe de Quetzaltepec

²⁶ Ets jam nnajtswopëja'antë atsip mëët yë mtaak ma ja it naaxwiinyëtën ma ka'ap ojts mmëxu'unk'atën, jam nëjkx nimäjtsk m'ooktë.

Biblia Mixe de Quetzaltepec

²⁶ Ets jam nnajtswopëja'antë atsip mëët yë mtaak ma ja it naaxwiinyëtën ma ka'ap ojts mmëxu'unk'atën, jam nëjkx nimäjtsk m'ooktë.

Jeremias 22:26 ပူးပေါင်းရင်းမြစ်များ

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

2 Reyes 24:8

Joaquín jä'ä ënety jyëmëjt majkmokx tëkëëk ko tyëjkëy yajkutujkpë ets tëkëëk jëmëjt jam yajkutujky Jerusalén. Jä'ä ja tyaak ijty xyëëwajtyp Nehustá, yë'ë nyëëx yë Elnatán, jam kyukajpnëty Jerusalén.

2 Reyes 25:27

Ma ënety y'i'px wëxtujk anyën ja mëmäjtskpo'opë, ma më'i'px majkmokx mäjtsk jëmëjt y'apetyën ma ja yajkutujkpë Joaquín, Judá ja'ay yajmënëjkxyën jap Babilonyë; jää ojts tyëkë yajkutujkpë yë Evil-merodac. Tyaapë yajkutujkpë ojts yë ama'atjot tmëët'aty, paaty tpa'ëyooy ja Joaquín ets tju'ty jap pujxn tëkoty,

2 Reyes 25:29

Jëtu'un'äämpy ja Joaquín ojts ja wyit tjäänë mëti'ipë jap pujxn tëkoty myë'ijtypyën ets jä'ä mëët kyääynyë y'uknë ja Babilonyë yajkutujkpë, jëtu'un ojts jyaakjuuky'äty.

2 Reyes 25:30

Mapaat yë Joaquín jyaak juuky'äjtyën mëjuy ojts yë xyëëw nyäxy winjëpom, yë'ë mëjuuyëp ja Babilonyë yajkutujkpë.

Isaías 22:17

Jëkäm yë Wintsën mnajtsjëpipëja'anyë, jëtu'un tä tu'uk mëkja'ay t'ixjëpipyën yë myëku'uk. Amëjaaw matsa'anyë ets mwinxita'anyë, jëtu'un tä ja'ay wit twinxityën mëti'ipë pixk mëëtën.

Jeremias 10:18

Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 16:13

Paaty miitsëty ntimy'ixkäxa'antë ma ya'atë kajpnën ets jam najtswopëja'antë ma tu'uk kajpnën mëti'ipë yë m'ap m'ok ets miitsëty ka'ap të xy'ixy'atën, jam nëjkx xëëny koots xymyëtuntë ja wiink tios, ka'ap n'ëkpa'ëyowanëtë nijëna'a.

Jeremias 22:27

Jëtu'un'äämpy nëjkx ka'ap nijëna'a wyimpitë oy yajxon jyawinpita'antëty.

Jeremias 28:4

Näyjyëtu'un wyimpita'any jatëkok yë Jeconías, yë Joaquim yë myaank, mëti'ipë jam yajkutujkpën Judá ets nitëkokyë ja'ayëty mëti'ipë ojts jam Babilonyë yajmënëjkxtën tsumy matsy. Jëtu'un tääjës n'ëna'anyën, ëjts nyajmëpotëjäämpy yë Babilonyë yajkutujkpë. Ëjts Wintsën, ëjts ënaanp.

Jeremias 44:14

Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënety jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënety jap oywyi'ix jaakkäktëpën.