Jeremias 22:18 - Biblia Dc en Mixe de Quetzaltepec

¹⁸ Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënety y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Biblia Mixe de Quetzaltepec

¹⁸ Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënäty y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Jeremias 22:18 ပူးပေါင်းရင်းမြစ်များ

2 Samuel 1:26

Ëjts, mëkës nmony ntuky mëët mijts Jonatán mëët ko mëj këjää nmëku'ukjawë. Ko mjuuky'äjty janty tsuj janty'oy mijts xyjyëkyejpyës. Yë mtsojkën mja'awën maas ëjtsën ni'ik yë'ë nyajmëjnaxyës këtiinëm jyëtu'unëty ko tu'uk yë to'oxytyëjk xytsyojkmëty xyjya'awëmëty.

1 Reyes 13:30

Jam tyajnaaxtëjkëy ma ja y'o'kpëjutën mëti'ipë kë'ëm nätyukni'oytyu'unëyën; ojts tnijë'ëy tniyä'äxy, y'ënäny: Jëëky mëku'uk, jëëky mëku'uk, ix m'ëkjaty m'ëkkëpety.

2 Reyes 23:36

Joaquim jä'ä ënety yë jyëmëjt i'px mëkoxk, ko tyëjkëy yajkutujkpë ets jä'ä jam Jerusalén ojts y'ëne'emy majktu'uk jëmëjt. Ja tyaak jä'ä ijty xyëëwajtyp Zebudá, yë'ë nyëëx yë Petaías ets jam ijty kyukajpnëty Rumá.

2 Reyes 23:6

Ojts jam tyajpëtsëëmta'ay ma ja Jerusalén kajpnën ja Aserá y'awinax, mëti'ipë jap yajpatpën ma ja Wintsën ja tsyajptëjkën; jam tyajnitooy ma ja Cedrón wokën, kuyjaam tyaj'awinpijty ets ojts twëjwä'kxy ma ja o'kpë nyipätën.

2 Reyes 24:6

Ko ojts y'o'knë yë'ë kutëjkëyë ma ja kutujktaknën ja myaank Joaquín.

1 Crónicas 3:15

Josías y'u'unk y'ëna'k jä'ä xyëëwajtë: Johanán ja kä'äxkopk; mëmäjtsk Joaquim, mëtëkëëk Sedequías ets ja mëmajktaxkpë Salum.

2 Crónicas 35:25

Ojts yë Jeremías tu'uk yë ëy tyuknijayëty ko y'oky tyëkooy. Mëti'ipë tyampaat je'eyëm y'ëëwtëpën ko pën y'ooky mëti'ipë tyukja'amyäjtstëpën ja Josías. Ya'atë ëy xëmë t'ëwtë yë Israel ja'ayëty ets aak myëët'ajtëp yë ja'ayëty ma y'iynyokyëtyën.

2 Crónicas 36:5

I'px mëkoxk ënety Joaquim jyëmëjt ko ojts tyëkë yajkutujkpë ets jä'ä ojts y'ëne'emy jam Jerusalén majktu'uk jëmëjt. Je'eyëp ko yë'ë ka'ap ojts oy winë tuny ma Wintsënën.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënety ja o'kpë tnimony tnituky.

Jeremias 21:11

Jëtu'un xy'ënëëmëty yë Judá yajkutujkpë, yë David yajkutujkpë y'u'unk y'ok: Mëtoow'it yë Wintsën yë y'aaw y'ayuk: Mëtëy xëmë winë xynyipaye'eyëty; yaj'ëwaatsëpëtsëm ja ëyoopëja'ay ma ja ëxëëkja'aytyëjk yaj'ëyowëtën, mëti'ipë yajmëtuunëpën natëk nawa'akë ets ka'ap tsow myëjuyë, këtiipës mijts ntukjoot'anpëkëty ets këtiipë ja n'aaw njotës tsyipkä'äxëty mëët mijts ets tsyooypyëkëty jëënën ets mijts m'ëk o'knëty, jää pën jää y'ëkyajkupi'itsëp.

Jeremias 22:10

Këtii xynyiya'axtë yë Josías yajkutujkpë, këtii xynyiya'axtë ko të y'o'knë; yë'ë niya'axtë yë myaank Salum, jä'ä ko ënety tsyoony ka'ap nijëna'a y'ëkwinpitanë, ka'ap nëjkx t'ëk'ijxnë nijëna'a yë nyaax kyajpn ma të myëxu'unk'atyën. Jä'ä ko yë Wintsën jëtu'un tnikäjpxy yë Salum, Josías yë myaank mëti'ipë jam Judá yajkutujkpën, mëti'ipë ja tyeety kyutëjkëyën ma ënä'ämtaknën ko y'o'ky ets mëti'ipë të tsyoonyën yaa: Ka'ap nëjkx nijëna'a y'ëkwinpijnë,

Jeremias 22:12

jam nëjkx y'ooky ma ënety të yajmënëjkxyën tsumy matsy ets ka'ap nëjkx nijëna'a t'ëk'ijxnë ja nyaax kyajpn.

Jeremias 34:5

Jotkujk nëjkx m'ooky, myajtukwintoyaanp yë tsooy mëti'ipë pa'akxu'kpën jëtu'un tä yajtukwintooytyën yë m'ap m'ok mëti'ipë ojts y'ënä'ämtën yajkutuktën ma ënety mijts ka'ap m'ëne'emnyëmën; nëjkxëp ja'ay y'ëna'antë: Aay wintsën, nëjkxëp myajnimony myajnituky. Ëjts Wintsën, ëjts ënaanp.

Jeremias 36:30

E ka'ap wyi'ixëty, ëjts, mëti'ipë Wintsën'ajtpën, tyam mijts n'ënëëmë, Joaquim, mëti'ipë ënä'ämp yajkutujkpën ma Judá kajpnën, mijts ka'ap nëjkx yë m'u'unk m'ëna'k ets m'u'unk m'ok xymyëët'aty mëti'ipë jam ja'tëpën ma David yë kyutujktaknën. Ko ënety m'ooky, yë mjot mnini'kx jëtu'unyë nëjkx wyin'aankëtä'äky xëëny ets jëtu'unyë nëjkx tyipjuuny koots,